Sandeep Reddy Vanga: మెగా పవర్ స్టార్ రామ్ చరణ్ - టాలెంటెడ్ డైరెక్టర్ బుచ్చిబాబు సానా కాంబినేషన్‌లో వచ్చిన రూరల్ స్పోర్ట్స్ యాక్షన్ డ్రామా 'పెద్ది' (Peddi) బాక్సాఫీస్ వద్ద రికార్డుల వేటను కొనసాగిస్తోంది.

ఈ క్రమంలోనే 'అర్జున్ రెడ్డి', 'యానిమల్' చిత్రాలతో ఇండియన్ సినిమాను షేక్ చేసిన మోస్ట్ సెన్సేషనల్ డైరెక్టర్ సందీప్ రెడ్డి వంగా.. 'పెద్ది' సినిమాను వీక్షించారు.

AMB సినిమాస్ దగ్గర వంగా హల్‌చల్
సాధారణంగా తనకు నచ్చిన సినిమాలను మాత్రమే థియేటర్లలో చూసి ఓపెన్‌గా రివ్యూ ఇచ్చే అలవాటు ఉన్న సందీప్ రెడ్డి వంగా.. హైదరాబాద్‌లోని ప్రముఖ AMB సినిమాస్‌లో జరిగిన 'పెద్ది' స్పెషల్ స్క్రీనింగ్‌కు హాజరయ్యారు. సినిమా చూసి బయటకు వస్తున్న వంగా విజువల్స్ ఇప్పుడు సోషల్ మీడియాలో విపరీతంగా ట్రెండ్ అవుతున్నాయి. చేతిలో ఫోన్ పట్టుకుని, గంభీరంగా తన కారు వైపు వెళ్తున్న సందీప్ ముఖంలో ఒక స్పష్టమైన సంతృప్తి కనిపించడం విశేషం. దీనిని 'పెద్ది' చిత్రానికి వంగా ఇచ్చిన 'స్టాంప్ ఆఫ్ అప్రూవల్'గా సినీ వర్గాలు విశ్లేషిస్తున్నాయి. వంగా లాంటి అల్ట్రా మాస్ మైండ్‌సెట్ ఉన్న డైరెక్టర్‌కు 'పెద్ది' కంటెంట్ నచ్చిందంటే.. థియేటర్లలో రామ్ చరణ్ ఊరమాస్ పర్ఫార్మెన్స్ ఏ రేంజ్‌లో ఉందో అర్థం చేసుకోవచ్చని మెగా ఫ్యాన్స్ మస్త్ ఖుషీ అవుతున్నారు. "వంగా మార్క్ యాక్షన్‌ను మెచ్చే డైరెక్టరే సాటిస్ఫై అయ్యాడంటే.. 'పెద్ది' కేవలం సినిమా కాదు, బాక్సాఫీస్ దగ్గర ఒక సంచలనం" అంటూ మెగా ఫ్యాన్స్ కామెంట్ల వర్షం కురిపిస్తున్నారు.

Also Read :Khushbu Sundar: సీఎం విజయ్‌ను కలిసిన కుష్బూ ఫ్యామిలీ.. ఎందుకో తెలుసా?

బుకింగ్స్‌లో 'పెద్ది' సరికొత్త రికార్డుల వేట
జాన్వి కపూర్ హీరోయిన్‌గా నటించిన ఈ భారీ బడ్జెట్ ఎంటర్‌టైనర్ ఇప్పటికే ప్రీ-రిలీజ్ బిజినెస్‌లో సరికొత్త మైలురాళ్లను అందుకుంది. కేవలం అడ్వాన్స్ బుకింగ్స్ ద్వారానే ఏకంగా 10 లక్షలకు పైగా టికెట్లు అమ్ముడై ఈ చిత్రం సరికొత్త రికార్డు సృష్టించింది. ఆస్కార్ విన్నర్ ఏఆర్ రెహమాన్ మ్యూజిక్, కన్నడ స్టార్ శివరాజ్‌ కుమార్ పవర్‌ఫుల్ స్క్రీన్ ప్రెజెన్స్ తోడైన ఈ చిత్రం.. నేడు (జూన్ 4, 2026) ప్రపంచవ్యాప్తంగా గ్రాండ్‌గా విడుదలై థియేటర్లలో దుమ్మురేపుతోంది.