Abhishek Sharma : టీమ్ఇండియా బ్యాటర్ అభిషేక్ శర్మ అరుదైన ఘనత సాధించాడు. అంతర్జాతీయ టీ20 క్రికెట్‌లో బంతుల పరంగా అత్యంత వేగంగా 100 సిక్సర్లు కొట్టిన ఆటగాడిగా చరిత్ర సృష్టించాడు. చెస్టర్-లె-స్ట్రీట్‌లోని రివర్‌సైడ్ గ్రౌండ్‌లో ఇంగ్లాండ్‌తో జరిగిన తొలి టీ20 మ్యాచ్‌లో అతడు ఈ ఘనత సాధించాడు. ఈ మ్యాచ్‌లో అభిషేక్ రెండో సిక్స్ కొట్టిన తరువాత 100 సిక్సర్ల మైలురాయిని చేరుకున్నాడు. ఈ క్రమంలో అతడు వెస్టిండీస్ బ్యాటర్‌ ఎవిన్ లూయిస్ ను అధిగమించాడు.

ఎవిన్ లూయిస్ 789 బంతుల్లో అంతర్జాతీయ టీ20 క్రికెట్‌లో 100 సిక్సర్ల మైలురాయిని చేరుకోగా అభిషేక్ 785 బంతుల్లోనే ఈ ఘనతను అందుకున్నాడు. ఫిన్ అలెన్‌, టిమ్ డేవిడ్, కొలిన్ మన్రోలు ఈ జాబితాలో ఉన్నారు.

అతి తక్కువ బంతుల్లో అంతర్జాతీయ టీ20 క్రికెట్‌లో 100 సిక్సర్లు కొట్టిన ప్లేయర్లు వీరే..

* అభిషేక్ శర్మ (భారత్) - 785 బంతుల్లో
* ఎవిన్ లూయిస్ (వెస్టిండిస్‌) - 789 బంతుల్లో
* ఫిన్ అలెన్ (న్యూజిలాండ్‌) - 871 బంతుల్లో
* టిమ్ డేవిడ్ (ఆస్ట్రేలియా) - 931 బంతుల్లో
* కొలిన్ మున్రొ (న్యూజిలాండ్‌) - 963 బంతుల్లో
* సూర్యకుమార్ యాదవ్ (భారత్) - 1007 బంతుల్లో

Kieron Pollard : కీరన్ పొలార్డ్ భార్య.. జెన్నా ఎంత అందంగా ఉందో చూశారా? ఫోటోలు వైరల్‌..

ఇక మ్యాచ్ విషయానికి వస్తే.. తొలుత బ్యాటింగ్ చేసిన భారత్ నిర్ణీత 20 ఓవర్లలో 7 వికెట్ల నష్టానికి 189 పరుగులు చేసింది. టీమ్ఇండియా బ్యాటర్లలో కెప్టెన్ శ్రేయస్ అయ్యర్ (68; 47 బంతుల్లో 6 ఫోర్లు, 1 సిక్స్‌), అభిషేక్ శర్మ (59; 24 బంతుల్లో 6 ఫోర్లు, 4 సిక్సర్లు) లు హాఫ్ సెంచరీలు చేశారు. శివమ్ దూబె (42 నాటౌట్; 21 బంతుల్లో 2 ఫోర్లు, 3 సిక్సర్లు) రాణించారు. సంజూ శాంసన్ (1), ఇషాన్ కిషన్ (0), తిలక్ వర్మ (13) లు విఫలం అయ్యారు. ఇంగ్లాండ్ బౌలర్లలో సాకిబ్ మహమూద్ మూడు వికెట్లు తీశాడు. ఆదిల్ రషీద్‌, సామ్ కరన్‌లు చెరో వికెట్ పడగొట్టారు.