ముఖ్యంగా సోషల్ మీడియా వేదికగా నాయకుల మధ్య సాగుతున్న మాటల యుద్ధం, మార్ఫింగ్ వీడియోలు తీవ్ర దుమారం రేపుతున్నాయి. తాజాగా మాజీ మంత్రి, వైకాపా సీనియర్ నాయకుడు అంబటి రాంబాబుపై సీఐడీ కేసు(Ambati Rambabu Cid Case) నమోదవ్వడంతో ఈ రాజకీయ వేడి ఒక్కసారిగా పెరిగింది.

ఏఐ వీడియో వివాదం - సీఐడీ ఎంట్రీ:

కేంద్రమంత్రి పెమ్మసాని చంద్రశేఖర్‌ను లక్ష్యంగా చేసుకుని, ఆయన చేతులకు సంకెళ్లు వేసినట్లు ఉన్న ఒక కృత్రిమ మేధ (AI) వీడియోను అంబటి రాంబాబు సామాజిక మాధ్యమాల్లో పంచుకున్నారు. కేంద్రమంత్రిని కించపరిచేలా ఈ పోస్ట్ ఉందంటూ తెలుగుదేశం పార్టీ తీవ్ర ఆగ్రహం వ్యక్తం చేసింది.

మంగళగిరి పోలీస్ స్టేషన్‌లో కేసు:

ఈ వ్యవహారాన్ని తీవ్రంగా పరిగణించిన తెదేపా నేత మద్దిరాల మ్యానీ, నేరుగా డీజీపీ కార్యాలయంలో రాతపూర్వక ఫిర్యాదు చేశారు. దీంతో మంగళగిరిలోని సీఐడీ పోలీసులు స్పందించి, అంబటి రాంబాబుపై కేసు నమోదు చేసి లోతైన విచారణ చేపట్టారు.