పరిశ్రమకు పెద్దదిక్కుగా ఉన్న మహానుభావుడి సమాధి దయనీయ స్థితిని చూసి హీరో మంచు మనోజ్ తీవ్రంగా కలత చెందారు. దీనిపై వెంటనే స్పందించిన ఆయన, తానే స్వయంగా ఆ ప్రాంతాన్ని శుభ్రం చేయిస్తానని సోషల్ మీడియా వేదికగా హామీ ఇచ్చారు.

మాట ఇచ్చినట్టుగానే మనోజ్(Manchu Manoj) శనివారం ఉదయం 7 గంటలకే తన బృందంతో కలిసి అక్కడికి చేరుకున్నారు. షూటింగ్‌కు వెళ్లే ముందు సమయం కేటాయించి, సమాధి పరిసరాల్లోని ఎండుటాకులను స్వయంగా తొలగించారు. మనోజ్, మౌనిక భూమా దంపతులు స్థాపించిన "ఐక్య ధైర్య సేన" సమితి ద్వారా ఈ తక్షణ సేవా కార్యక్రమాన్ని చేపట్టారు. సమయస్ఫూర్తితో స్పందించి దాసరి గారిపై గౌరవాన్ని చాటుకున్న మనోజ్‌ను నెటిజన్లు ఎంతగానో ప్రశంసిస్తున్నారు. ప్రస్తుతం దీనికి సంబందించిన ఫోటోలు. వీడియోలో నెట్టింట వైరల్ అవుతున్నాయి.