NTR Lineup : ఒకప్పుడు వరుస ఫ్లాప్స్ చూసిన ఎన్టీఆర్ తనని తాను మార్చుకొని టెంపర్ సినిమాతో భారీ హిట్ కొట్టి అక్కడ్నుంచి అన్ని సినిమాలతో వరుస హిట్స్ సాధిస్తున్నాడు.

RRR సినిమాతో నేషన్ వైడ్ ఫేమ్ తెచ్చుకున్నాడు. ఆ తర్వాత వచ్చిన దేవర సినిమా పర్వాలేదనిపించింది. ఇక బాలీవుడ్ కి వెళ్లి చేసిన వార్ 2 అయితే పూర్తిగా నిరాశపరిచింది. ఎన్టీఆర్ ప్రస్తుతం ప్రశాంత్ నీల్ తో డ్రాగన్ సినిమా చేస్తున్నాడు.

2022లో ఈ సినిమాని ప్రకటించారు. 2024లో ఈ సినిమా పూజా కార్యక్రమం జరిగింది. ఇప్పుడు 2026 మే 20 నేడు ఎన్టీఆర్ పుట్టిన రోజున ప్రశాంత్ నీల్ దర్శకత్వంలో తెరకెక్కుతున్న డ్రాగన్ సినిమా గ్లింప్స్ రిలీజ్ చేసారు. ఇక ఈ డ్రాగన్ సినిమా 2027 జూన్ 11న రిలీజ్ కానుంది. ఈ సినిమాపై అయితే భారీ అంచనాలు ఉన్నాయి.

ఈ సినిమా తర్వాత ఎన్టీఆర్ ఎవరితో ఎలాంటి సినిమాలు చేస్తాడు అని ఫ్యాన్స్ లో చర్చ ఉంది. అయితే ఇప్పటికే అధికారికంగా దేవర 2 సినిమా ప్రకటించారు. అధికారికంగా ప్రకటించినా ఈ సినిమా ఉంటుందో లేదో అది మొదలయ్యే వరకు సందేహమే.

త్రివిక్రమ్ శ్రీనివాస్ దర్శకత్వంలో ఎన్టీఆర్ సినిమా అన్నారు. సుబ్రమణ్య స్వామి కథతో ఈ సినిమా ఉండబోతుందని, మైథలాజి సినిమా అని నిర్మాత నాగవంశీ తెలిపారు. ఈ సినిమాలో ఎన్టీఆర్ సుబ్రహ్మణ్య స్వామిగా కనిపించబోతున్నారని సమాచారం. తమిళ దర్శకుడు నెల్సన్ దిలీప్ కుమార్ తో సితార ఎంటర్టైన్మెంట్స్ లో ఒక సినిమా ఉందని నిర్మాత నాగవంశీ తెలిపారు. ఇది ఎన్టీఆర్ తో అనే టాలీవుడ్ టాక్. బాలీవుడ్ లో వార్ 2 తర్వాత YRF స్పై సినిమాటిక్ యూనివర్స్ లో ఎన్టీఆర్ సోలో హీరోగా సినిమా ఉంటుంది అన్నారు. కానీ వార్ 2 ఫలితం చూసిన తర్వాత ఆ సినిమా ఉంటుందో లేదో తెలీదు.