• ఓబెన్ రోర్ ఎవో గరిష్టంగా 9kW పవర్ ఆప్షన్
• 5-అంగుళాల TFT డిస్‌ప్లేతో స్పెషల్ అట్రాక్షన్
• సుమారు 150 కిలోమీటర్ల రేంజ్, టాప్ స్పీడ్ గంటకు 110 కి.మీ

Oben Rorr EVO : కొత్త ఎలక్ట్రిక్ బైక్ కొంటున్నారా? ఓబెన్ కొత్త ఎలక్ట్రిక్ బైక్ వచ్చేసింది. భారత మార్కెట్లో ఓబెన్ రోర్ ఎవో లాంచ్ అయింది. రోర్ ఎవో సింగిల్ ఛార్జ్‌పై 180 కిలోమీటర్ల రేంజ్ గంటకు 110 కిలోమీటర్ల టాప్ స్పీడ్ అందిస్తుంది.

రోర్ ఎవోలో టెలిస్కోపిక్ ఫోర్కులు 7 ఫేస్ అడ్జెస్టబుల్ మోనోషాక్ (Oben Rorr EVO) ఉన్నాయి. రోర్ ఎవోలో 5-అంగుళాల TFT డిస్‌ప్లే ఉంది. ఓబెన్ రోర్ ఎవో రేంజ్, ఫీచర్లు ధరకు సంబంధించి పూర్తి వివరాలను ఇప్పుడు తెలుసుకుందాం..

ఓబెన్ రోర్ ఎవో ధర ఎంతంటే? :
ఓబెన్ రోర్ ఎవో రూ. లక్ష (సుమారు 100,000 డాలర్లు) ప్రారంభ ధరతో లాంచ్ అయింది. ఈ ధర మొదటి 10వేల మంది కస్టమర్లకు మాత్రమే వర్తిస్తుంది. ఆ తర్వాత ధర రూ. 1.25 లక్షలకు (సుమారు 100,000 డాలర్లు) పెరుగుతుంది. రోర్ ఎవో బ్లూ, రెడ్, వైట్, బ్లాక్ అనే 4 కలర్ ఆప్షన్లలో లభిస్తుంది.

ఓబెన్ రోర్ ఎవో స్పెసిఫికేషన్లు :
ఓబెన్ రోర్ ఎవో గరిష్టంగా 9kW పవర్‌ను, 250Nm గరిష్ట వీల్ టార్క్‌ను అందిస్తుంది. రోర్ ఎవోలో కొత్తగా కంపెనీలో I-PMSM మోటార్‌ అమర్చారు. IP67 రేటింగ్ 3.4kWh ఎల్ఎఫ్‌పీ బ్యాటరీని అమర్చారు. 8 ఏళ్ల వారంటీ కూడా ఉంది.

ఈ బ్యాటరీని 280 డిగ్రీల సెల్సియస్ వరకు టెంపరేచర్ లో టెస్టింగ్ చేసినట్టు ఓబెన్ పేర్కొంది. రేంజ్ విషయానికి వస్తే.. ఐడీసీ రేంజ్ 180 కి.మీ కాగా, అసలు రేంజ్ సుమారు 150 కి.మీ ఉంటుంది. ఈ మోటార్ IP68 సర్టిఫికేషన్ పొందింది. ఈ బైక్ టాప్ స్పీడ్ గంటకు 110 కి.మీ. ఇది కేవలం 5 సెకన్లలో 0 నుంచి 40 కి.మీ. స్పీడ్ అందుకుంటుంది.

ఇప్పటికే ఉన్న ఏఆర్ఎక్స్ ప్లాట్‌ఫారమ్ ట్రెల్లిస్ ఫ్రేమ్ ఆధారంగా రోర్ ఎవోలో టెలిస్కోపిక్ ఫోర్కులు, 7 ఫేస్ అడ్జెస్ట్ మోనోషాక్ ఉన్నాయి. ఇందులో 270mm డిస్క్ బ్రేకులు, రెండు చక్రాలపై సీబీఎస్ ఉన్నాయి. కొలతలలో సీటు ఎత్తు 780mm, సీటు వెడల్పు 680mm, గ్రౌండ్ క్లియరెన్స్ 200mm, మొత్తం బరువు 140కిలోలు ఉంటాయి.