ప్రేమ, అనుబంధాలు, భావోద్వేగాలతో పల్లెటూరి బ్యాక్ డ్రాప్ లో ఈ ప్రేమనే ఊరిలో సినిమా తెరకెక్కుతుంది. తాజాగా ఈ సినిమా టైటిల్ ప్రకటిస్తూ ఫస్ట్ లుక్ పోస్టర్ రిలీజ్ చేసారు. ఈ సినిమాకు ‘Welcome to the Land of Love’ అనే క్యాప్షన్‌ కూడా ఇవ్వడం గమనార్హం. పోస్టర్ చూస్తుంటే.. పచ్చని పొలాలు, గాలిమరలు, ఎడ్లబండి, పల్లె వాతావరణంతో విలేజ్ స్టోరీ అని తెలుస్తుంది. కన్నడలో తెరకెక్కుతున్న ఈ సినిమా తెలుగులో కూడా రిలీజ్ కానుంది.

KGF, కాంతారా వంటి సినిమాలకు తెలుగులో డైలాగ్స్ అందించిన హనుమాన్ చౌదరి ఈ సినిమాకు డైలాగ్స్ రాస్తున్నారు. గతంలో డబ్బింగ్ సినిమాలతో ఫేమ్ తెచ్చుకున్న సురేష్ కొండేటి మరోసారి ఈ సినిమాతో నిర్మాతగా మారారు. ప్రస్తుతం ఈ సినిమా షూటింగ్ దశలో ఉంది.