• శాంసంగ్ గెలాక్సీ S25 అల్ట్రా ఫోన్ భారీగా తగ్గింపు
• గతంలో కన్నా అతి తక్కువ ధరకే కొనేసుకోవచ్చు
• శాంసంగ్ ఫోన్‌ ప్రారంభ ధర రూ. 1,29,999కు లాంచ్

Samsung Galaxy S25 Ultra : శాంసంగ్ గెలాక్సీ S25 అల్ట్రా ధర భారీగా తగ్గింది.

గత ఏడాదిలో లాంచ్ అయిన ఈ ఫ్లాగ్‌షిప్ ఫోన్‌ ఇప్పటివరకు ఎన్నడూ లేనంత తక్కువ ధరకు లభిస్తోంది. ఈ-కామర్స్ వెబ్‌సైట్ అమెజాన్, రాబోయే సేల్‌కు ముందు గెలాక్సీ S25 అల్ట్రాపై భారీ డీల్స్‌ను వెల్లడించింది.

ఈ శాంసంగ్ ఫోన్‌ ప్రారంభ ధర కన్నా రూ. 35వేల వరకు తక్కువకే ఇంటికి తెచ్చుకోవచ్చు. అమెజాన్‌లో (Samsung Galaxy S25 Ultra) ఈ సేల్ మే 8వ తేదీన ప్రారంభం కానుంది. అమెజాన్ సేల్‌లో ఈ శాంసంగ్ ఫోన్‌పై ధర తగ్గింపుతో పాటు నో-కాస్ట్ ఈఎంఐ, బ్యాంక్ డిస్కౌంట్, క్యాష్‌బ్యాక్ వంటి బెనిఫిట్స్ కూడా పొందవచ్చు. శాంసంగ్ ఈ ఫోన్‌ను రూ. 1,29,999 ప్రారంభ ధరతో లాంచ్ చేసింది.

అమెజాన్‌లో మే 8 నుంచి మెగా సేల్‌లో శాంసంగ్ ఈ ఫ్లాగ్‌షిప్ ఫోన్‌ రూ. 94,999 ప్రారంభ ధరకే కొనుగోలు చేయవచ్చు. శాంసంగ్ ఫోన్ ధరపై రూ. 35వేలు9 ఫ్లాట్ డిస్కౌంట్ లభిస్తుంది. బ్యాంక్ ఆఫర్ల విషయానికి వస్తే.. 10శాతం వరకు అదనపు డిస్కౌంట్ లేదా క్యాష్‌బ్యాక్‌ను కూడా పొందవచ్చు.

శాంసంగ్ గెలాక్సీ S25 అల్ట్రా ఫీచర్లు
ఈ శాంసంగ్ ఫోన్ 6.9-అంగుళాల డైనమిక్ అమోల్డ్ 2x డిస్‌ప్లేతో వస్తుంది. ఈ ఫోన్ రిజల్యూషన్ 1440×3120 పిక్సెల్స్ అందిస్తుంది. ఈ డిస్‌ప్లే 120Hz రిఫ్రెష్ రేట్‌కు సపోర్ట్ చేస్తుంది. కార్నింగ్ గొరిల్లా గ్లాస్‌తో ప్రొటెక్ట్ చేస్తుంది. ఈ ఫోన్ క్వాల్‌కామ్ స్నాప్‌డ్రాగన్ 8 ఎలైట్ చిప్‌సెట్‌పై రన్ అవుతుంది. 12GB ర్యామ్, 512GB వరకు స్టోరేజ్‌కు సపోర్ట్ చేస్తుంది.