రవి కుమార్ సీరపు కథ, కథనం, దర్శకత్వ బాధ్యతలు చేపట్టిన ఈ క్రేజీ ప్రాజెక్ట్‌ను హరికృష్ణ సోమిశెట్టి ఎక్కడా రాజీ పడకుండా భారీ బడ్జెట్‌తో నిర్మించారు. తాజాగా ఈ సినిమా షూటింగ్ కార్యక్రమాలను పూర్తి చేసుకున్న చిత్ర యూనిట్, ప్రస్తుతం పోస్ట్ ప్రొడక్షన్ పనులను శరవేగంగా జరుపుతోంది. విలక్షణ నటుడు కబీర్ దుహన్ సింగ్, ప్రసాద్ బెహరా, రాధ్య, మోనిక వంటి భారీ తారాగణం ఈ సస్పెన్స్ థ్రిల్లర్‌లో కీలక పాత్రలు పోషించారు.

ఇటీవలే ఈ సినిమాకు సంబంధించిన ఫస్ట్ లుక్ పోస్టర్‌ను యువ హీరో దినేష్ తేజ్, దర్శకుడు హరి ప్రసాద్ కలిసి విడుదల చేశారు. పోస్టర్ చూస్తుంటే సినిమాపై మంచి క్యూరియాసిటీ కలుగుతోంది. మేకర్స్ ఎంతో ప్రతిష్టాత్మకంగా తెరకెక్కించిన ఈ చిత్రంలో ఈషాన్ శంకర్, అవినాష్ బదల్, భార్గవి తదితరులు ముఖ్య భూమికల్లో మెరవనున్నారు. కేవలం ఒక బ్యాగ్ చుట్టూ కథను తిప్పుతూ ప్రేక్షకులను సీటు అంచున కూర్చోబెట్టేలా దర్శకుడు ఈ సినిమాను తీర్చిదిద్దినట్లు సమాచారం. ‘ది రెడ్ బ్యాగ్’ త్వరలోనే గ్రాండ్ రిలీజ్‌కు సిద్ధమవుతోంది.