ఆంధ్రప్రదేశ్‌లో కూటమి ప్రభుత్వం అధికారంలోకి వచ్చిన తర్వాత, తెలుగుదేశం పార్టీ (TDP) కి చెందిన సుమారు 50 నుంచి 60 మంది ఎమ్మెల్యేల పనితీరు సరిగా లేదని సోషల్ మీడియా కోడైకూస్తోంది.

వీరిలో ఎక్కువ మందిపై అవినీతి ఆరోపణలు వస్తున్నట్టు సమాచారం. చంద్రబాబు నాయుడు, లోకేష్ తీవ్ర అసంతృప్తితో ఉన్నారనే అంశంపై ఈ చర్చ.పార్టీలో మొత్తం 135 మంది ఎమ్మెల్యేలలో సగం మందిపై తీవ్రమైన అసంతృప్తి వ్యక్తమవుతోందని అంతర్గత సర్వేల ద్వారా చంద్రబాబు నాయుడికి తెలిసింది. దీంతో ఆయన అవినీతి ఆరోపణలు ఎదుర్కొంటున్న ఎమ్మెల్యేలను పిలిపించుకుని క్లాస్ పీకుతున్నట్లు విశ్లేషకులు తెలిపారు.

మాట వినకపోతే తోక కట్ చేస్తాం" అనే స్థాయిలో చంద్రబాబు నాయుడు, లోకేష్ హెచ్చరికలు జారీ చేస్తున్నారు.

ఎమ్మెల్యేలపై వస్తున్న ప్రధాన ఆరోపణలు...

ఇసుక, మద్యం (లిక్కర్): కొత్తగా గెలిచిన కొంతమంది ఎమ్మెల్యేలు మద్యం షాపుల యజమానులను బెదిరించడం, క్వార్టర్ బాటిల్‌పై రూ. 30 వరకు కమిషన్లు డిమాండ్ చేయడం, ఇసుకను అక్రమంగా డంపింగ్ చేసి ట్రాక్టర్‌కు రూ. 3000 చొప్పున అమ్ముకోవడం వంటివి చేస్తున్నట్లు ఆరోపణలు ఉన్నాయి.

బదిలీలు & పోస్టింగ్‌లు: నియోజకవర్గాల్లో అధికారుల బదిలీలు, పోస్టింగ్‌ల కోసం భారీగా డబ్బులు వసూలు చేస్తున్నట్లు విమర్శలు వస్తున్నాయి.

కొన్ని నిర్దిష్ట ఉదాహరణలుగా సత్యసాయి జిల్లా, కావలి, మార్కాపురం, గిద్దలూరు, నరసరావుపేట ఎమ్మెల్యేల ప్రస్తావన వచ్చింది. వారికి ఇచ్చిన వార్నింగ్‌ల గురించి చర్చించారు.

అవినీతి, అసంతృప్తికి గల కారణాలు...

ఎన్నికల ఖర్చు: ఎన్నికల్లో గెలవడానికి ఎమ్మెల్యేలు కనీసం రూ. 20 కోట్లు అంతకంటే ఎక్కువ ఖర్చు పెట్టడం లేదా అప్పులు చేయడం వల్ల, గెలిచిన వెంటనే ఆ డబ్బును డబుల్ గా సంపాదించుకోవాలనే వ్యాపార దృక్పథంతో వ్యవహరిస్తున్నారు.