ఏలూరు జిల్లా పోలవరం (ST) నియోజకవర్గం జనసేన ఎమ్మెల్యే చిర్రి బాలరాజు రాజకీయ జీవితం ఇటీవలి కాలంలో తీవ్ర వివాదాలకు గురవుతోంది. 2024 అసెంబ్లీ ఎన్నికల్లో గెలిచిన ఆయన, వ్యక్తిగత కుటుంబ వివాదాలు, అవినీతి ఆరోపణలు (ఇసుక-మట్టి మాఫియా, ల్యాండ్ గ్రాబింగ్, బెట్టింగ్ నెట్‌వర్క్‌లు)తో పార్టీ దృష్టిని ఆకర్షించారు.

ఈ వివాదాలు స్థానిక స్థాయి నుంచి పార్టీ అధిష్టానం వరకు చేరుకోవడం రాజకీయ వర్గాల్లో కలకలం సృష్టించింది.

కుటుంబ వివాదాలు

చిర్రి బాలరాజు కుటుంబ వివాదాలు ప్రధానంగా వ్యక్తిగత-వైవాహిక సంబంధాల చుట్టూ తిరుగుతున్నాయి. కుటుంబ సభ్యుల నుంచే ఆయన వ్యవహార శైలిపై తీవ్ర ఆరోపణలు వచ్చాయి. అనైతిక వ్యవహారాలు, ఇంటి సమస్యలు పార్టీకి చేరుకోవడంతో ఇవి బహిర్గతమయ్యాయి. ఈ విషయాలు స్థానికంగా ఫిర్యాదుల రూపంలో పార్టీ దృష్టికి వచ్చాయి.
బాలరాజు భార్య పవన్ కల్యాణ్ ను కలిసి తనను వదిలేసి మరో మహిళతో వివాహేతర సంబంధం కొనసాగిస్తున్నాడని, ఆమె కోసం జంగారెడ్డి గూడెంలో రూ. 60 లక్షలు పెట్టి ఇల్లు కట్టించాడని ఫిర్యాదు చేశారు. అందుకే తాను తన భర్తకు దూరంగా ఉంటున్నానని చెప్పారు. దువ్వాడ శ్రీనివాస్ భార్య ఉండగానే రెండో పెళ్లి చేసుకోలేదా? ఆయనకు ఏమైందని అంటున్నాడని కూడా పవన్ కల్యాణ్ తో ఆమె చెప్పనట్లు సమాచారం. మరికొన్ని వివాదాస్పదమైన, పవన్ కల్యాణ్ కు కోపం తెప్పించే అంశాలను కూడా బాలరాజు అన్నారని ఆమె పవన్ కు వివరించినట్లు పోలవరం జనసేన పార్టీ వర్గాలు తెలిపాయి.

బాలరాజును జనసేన పార్టీలోకి తీసుకొచ్చి, జనం మధ్యకు వచ్చి ప్రచారం చేసి గెలిపించిన వారిలో ప్రధాన మైన వ్యక్తి కరాటం రాంబాబు. పోలవరం జిల్లా కార్యదర్శిగా ప్రస్తుతం పనిచేస్తున్న కరటం సాయి, రాంబాబు, పార్టీ జిల్లా క్యాడర్ పవన్ కల్యాణ్ వద్ద జరిగిన, జరుగుతున్న పరిణామాలను పూసగుచ్చినట్లు వివరించారు. బాలరాజుపై చర్యలు తీసుకోవాలి. లేదా ఆయన పద్ధతి మార్చుకునే విధంగా ఆదేశాలు ఇవ్వాలని లేకుంటే తాము పార్టీ నుంచి తప్పుకుంటామని పవన్ కల్యాణ్ కు రాంబాబు అల్టిమేటమ్ ఇచ్చారు. బాలరాజును పవన్ కల్యాణ్ పిలిపించాల్సి వచ్చింది. జీలుగుమిల్లి మండలం బర్రింకలపాడులో బాలరాజు భార్య ఉంటోంది. బాలరాజుకు పిల్లలు కూడా ఉన్నారు.

బాలరాజు వ్యక్తిగత వ్యవహారాలు ప్రజల దృష్టిలో ఎమ్మెల్యే ప్రతిష్టను దెబ్బతీస్తున్నాయని, కుటుంబ సభ్యులే ఉన్నత నాయకత్వానికి ఫిర్యాదు చేయటం, పార్టీ నాయకత్వం మొత్తం ఏడు పేజీల ఫిర్యాదును పవన్ కల్యాణ్ కు అందించడం చర్చనియాంశమైంది. ఇలాంటి వివాదాలు రాజకీయ నాయకుల వ్యక్తిగత జీవితాలు పబ్లిక్ డొమైన్‌లోకి వచ్చినప్పుడు ఎలా ప్రభావితం చేస్తాయో ఇది ఉదాహరణ.

రాజకీయ జీవితంలోకి ఎందుకు ప్రవేశించాయి?

బాలరాజు 2019లో జనసేన తరఫున పోటీ చేసి ఓడిపోయి, 2024లో NDA కూటమి అభ్యర్థిగా గెలిచారు. అధికారంలోకి వచ్చాక స్థానిక ఆరోపణలు (ఇసుక-మట్టి అక్రమ రవాణా, లంచాలు, పేకాట/బెట్టింగ్) పెరిగాయి. కుటుంబ వివాదాలు ఇందులో భాగంగా బయటపడ్డాయి.

కుటుంబ సభ్యుల ఫిర్యాదులు పార్టీ అధిష్టానం దృష్టికి వచ్చేసరికి, ఇవి కేవలం వ్యక్తిగతం కాకుండా 'పార్టీ ఇమేజ్'కు సంబంధించినవిగా మారాయి. జనసేన స్వచ్ఛమైన పాలన ప్రకటించిన నేపథ్యంలో ఇలాంటి వివాదాలు పార్టీకి ఇబ్బంది కలిగించాయి. స్థానిక తెల్లం బాలరాజు వర్గం, ప్రతిపక్షాలు దీన్ని ఆయుధంగా మార్చుకున్నాయి.

జనసేన పార్టీకి నష్టం

ఇమేజ్ డ్యామేజ్: జనసేన అవినీతి వ్యతిరేక పార్టీగా ప్రచారం చేస్తుంది. ఒక ఎమ్మెల్యేపై అవినీతి, కుటుంబ వివాదాలు పార్టీ స్వచ్ఛతను ప్రశ్నించేలా చేశాయి.

స్థానిక అసంతృప్తి: నియోజకవర్గంలో అంతర్గత ఫ్యాక్షన్లు (బాలరాజు వ్యతిరేక వర్గం) బలపడ్డాయి. అభివృద్ధి పనులు (147 కోట్లు కేటాయించినా) ఆలస్యం అవుతున్నాయని విమర్శలు.