కూటమి నేతలతో నిర్వహించిన టెలికాన్ఫరెన్స్‌లో ఆయన మాట్లాడుతూ.. జగన్ వైఖరి రాష్ట్ర అభివృద్ధికి గొడ్డలిపెట్టులా మారిందని మండిపడ్డారు.

అమరావతి పేరు పలకడానికే ఇష్టం లేదుఅమరావతిపై జగన్‌కు ఉన్న ద్వేషం ఏ స్థాయిలో ఉందో ఆయన మాటలే నిరూపిస్తున్నాయని చంద్రబాబు అన్నారు. జగన్‌కు అసలు అమరావతి అనే పేరు పలకడమే ఇష్టం లేదు. అందుకే ప్రజల్లో గందరగోళం సృష్టించడానికి మావిగన్ అనే వింత పేరును తెరపైకి తెచ్చారు అని విమర్శించారు. రాజధాని పట్ల జగన్ వైఖరి భవిష్యత్తులోనూ మారదని, ఆయనకు అభివృద్ధి కంటే విధ్వంసమే ఇష్టమని నిన్నటి వ్యాఖ్యలతో మరోసారి స్పష్టమైందని ఆగ్రహం వ్యక్తం చేశారు.ఐదేళ్ల విధ్వంసం - రాజధాని లేని రాష్ట్రంగత ఐదేళ్ల వైసీపీ పాలనలో ఆంధ్రప్రదేశ్‌ను రాజధాని లేని రాష్ట్రంగా మార్చేశారని చంద్రబాబు ధ్వజమెత్తారు. మూడు రాజధానుల పేరుతో కాలయాపన చేస్తూ, అమరావతిని నాశనం చేసేందుకు జగన్ శతవిధాలా ప్రయత్నించారని ఆరోపించారు. ఇప్పుడు కూటమి ప్రభుత్వం రాజధాని పనులను వేగవంతం చేస్తుంటే, ఓర్వలేక కొత్త రాగాలను అందుకుంటున్నారని ఎద్దేవా చేశారు. అమరావతి అనేది కేవలం ఒక ప్రాంతం కాదని, అది ఐదు కోట్ల ఆంధ్రుల ఆకాంక్ష అని ఆయన గుర్తు చేశారు.చట్టబద్ధతతో ఇక తిరుగులేదురాజధాని అమరావతికి పార్లమెంటులో చట్టబద్ధత లభించడం చారిత్రాత్మకమని చంద్రబాబు పేర్కొన్నారు. లోక్‌సభలో ఇప్పటికే బిల్లు ఆమోదం పొందగా, నేడు రాజ్యసభలోనూ అమరావతి చట్టబద్ధత బిల్లు ఆమోదం పొందనుందని ఆయన వెల్లడించారు. ఇకపై రాజధాని విషయంలో ఎలాంటి సందిగ్ధతలకు తావులేదని, జగన్ ఎన్ని మావిగన్ డ్రామాలు ఆడినా ప్రజలు నమ్మే స్థితిలో లేరని స్పష్టం చేశారు. అమరావతిని ప్రపంచస్థాయి నగరంగా తీర్చిదిద్ది తీరుతామని ఆయన ధీమా వ్యక్తం చేశారు.