గత కొంతకాలంగా మన టాలీవుడ్ బాక్సాఫీస్ పరిస్ధితి దారుణంగా మారిపోయింది.వచ్చిన సినిమాలు వచ్చినట్లే వెళ్లిపోతున్నాయి. అదే సమయంలో డబ్బింగ్ సినిమాలు అది హాలీవుడ్ అయినా తమిళం అయినా మళయాళం అయినా బాగానే వర్కవుట్ అయితున్నాయి.

స్ట్రెయిట్ తెలుగు సినిమాలని మనవాళ్లు పట్టించుకోవటం లేదు కానీ, పక్క రాష్ట్రాల హీరోల సినిమాలకు మాత్రం జై కొడుతున్నాయి. ఆ సినిమాలు ఇక్కడ కోట్లు కొల్లగొడుతున్నారు.

గత వీకెండ్ థియేటర్లలోకి వచ్చిన సినిమాల రిజల్ట్ చూస్తే టాలీవుడ్ కు భయం వేసే పరిస్దితి. అసలు గత వారం బాక్సాఫీస్ దగ్గర ఏం జరిగింది? ఏ సినిమా హిట్ అయ్యి డబ్బులు తెచ్చిపెడుతోంది?

రెండు సినిమాలు అవుట్: కోలుకోలేని దెబ్బ!

గత వీకెండ్ టాలీవుడ్ మార్కెట్లోకి "రమణి కళ్యాణం" , "పురుషః" అనే రెండు చిన్న బడ్జెట్ తెలుగు సినిమాలు వచ్చాయి. భారీ ఆశలతో థియేటర్లలోకి అడుగుపెట్టిన ఈ రెండు చిత్రాలకు ప్రేక్షకులు గట్టి షాకే ఇచ్చారు. థియేటర్లలో కనీసం పబ్లిక్ లేక, ఓపెనింగ్స్ కూడా రాక మొదటి వీకెండ్‌లోనే ఇవి ఘోరమైన వాషౌట్‌గా మిగిలిపోయాయి. కనీస ప్రభావం కూడా చూపించలేక బాక్సాఫీస్ దగ్గర ఈ రెండు సినిమాలు పూర్తిగా చేతులెత్తేసాయి.

మలయాళం ట్విస్ట్: ప్రమోషన్స్ లేకుండానే కోట్ల కలెక్షన్లు!

తెలుగు సినిమాలు డిజాస్టర్ అయిన చోట, మలయాళ సూపర్ స్టార్ మోహన్‌లాల్ నటించిన డబ్బింగ్ థ్రిల్లర్ "దృశ్యం 3" మాత్రం సంచలనాలు సృష్టిస్తోంది. ఎలాంటి అగ్రెసివ్ ప్రమోషన్స్, హడావుడి లేకుండా సైలెంట్‌గా రిలీజైన ఈ సినిమా కేవలం మొదటి వీకెండ్‌లోనే రెండు తెలుగు రాష్ట్రాల్లో కలిపి ఏకంగా రూ. 4 కోట్ల నెట్ వసూలు చేసి ట్రేడ్ వర్గాలను సైతం ఆశ్చర్యపరిచింది. మోహన్‌లాల్ స్టార్ పవర్‌ కంటే, "దృశ్యం" ఫ్రాంచైజీకి ఉన్న బ్రాండ్ వాల్యూనే జనాలను థియేటర్లకు పరుగులు పెట్టేలా చేసింది.

సూర్య ఊచకోత: బాక్సాఫీస్ దగ్గర ఆగని వీరభద్రుడి వేట!

మరోవైపు కోలీవుడ్ స్టార్ సూర్య నటించిన డబ్బింగ్ యాక్షన్ డ్రామా "వీరభద్రుడు" (కరుప్పు) తెలుగు రాష్ట్రాల్లో ఉన్నంతలో ఓకే అనిపిస్తోంది. ప్రస్తుతం టాలీవుడ్‌లో ఏ పెద్ద తెలుగు స్టార్ సినిమా లేకపోవడం ఈ చిత్రానికి పెద్ద ప్లస్ పాయింట్‌గా మారింది. తమిళంలో కలెక్షన్ల పరంగా ఏమాత్రం తగ్గకుండా దూసుకుపోతున్న ఈ సినిమా, ఇప్పటికే తెలుగు రాష్ట్రాల్లోనూ మెల్లిగా పుంజుకుని వీకెండ్ లో కలెక్షన్స్ బాగానే రాబట్టింది. ఈ మధ్య కాలంలో సూర్య కెరీర్‌లోనే ఇది బిగ్గెస్ట్ వసూళ్లను సాధించిన చిత్రంగా నిలిచింది.

ఒకప్పుడు తెలుగు మార్కెట్‌లో డబ్బింగ్ సినిమాలు కేవలం టైంపాస్ ఆప్షన్ మాత్రమే. కానీ ఇప్పుడు పరిస్థితి పూర్తిగా మారిపోయింది. థియేటర్లలో ప్రేక్షకుడు టికెట్ కొంటున్నాడు హీరో కోసం కాదు, "ఇంట్రెస్టింగ్ ఎక్స్‌పీరియన్స్" కోసం. అదే చోట చాలా తెలుగు సినిమాలు దెబ్బ తింటున్నాయన్న అభిప్రాయం బలపడుతోంది.

"కథ" దగ్గరే గ్యాప్?

ఇప్పుడు ఆడియన్స్ యూట్యూబ్, ఓటీటీ, కొరియన్ డ్రామాలు, హాలీవుడ్ థ్రిల్లర్స్ అన్నీ చూస్తున్నారు. వాళ్ల టేస్ట్ చాలా ఫాస్ట్‌గా మారిపోయింది. కానీ ఇంకా చాలామంది తెలుగు దర్శకులు పాత ఫార్ములాల చుట్టూనే తిరుగుతున్నారన్న విమర్శ ఉంది.

హీరో ఎంట్రీ, రెండు కామెడీ సీన్లు, ఒక ఫైట్, ఒక ఎమోషనల్ క్లైమాక్స్ - ఈ టెంప్లేట్ ఇప్పుడు పనిచేయడం లేదు. ప్రేక్షకుడు "తర్వాత ఏం జరుగుతుంది?" అని థ్రిల్ ఫీల్ కావాలి అనుకుంటున్నాడు. "దృశ్యం 3" అక్కడే గెలిచింది.

బ్రాండ్ మీద నమ్మకం!