"బయటి మద్దతు సరైన విధానం కాదు"

విలుప్పురం ఎంపీ, రచయిత, న్యాయవాది అయిన డి. రవికుమార్ ఒక ఇంటర్వ్యూలో మాట్లాడుతూ, ప్రభుత్వానికి మద్దతు ఇచ్చే పార్టీ అదే సమయంలో ప్రతిపక్షంలా వ్యవహరించడం మంచిది కాదన్నారు.

"ఒక ప్రభుత్వానికి మద్దతు ఇస్తే, ఆ ప్రభుత్వంలో భాగస్వామ్యం కావాలి. బయట నుంచి మద్దతు ఇవ్వడం సరైన రాజకీయ పద్ధతి కాదు" అని ఆయన వ్యాఖ్యానించారు. ఈ విషయాన్ని ఇప్పటికే పార్టీ నాయకత్వానికి చెప్పానని, వీసీకే ప్రభుత్వంలో చేరాలని పార్టీ అధినేత తిరుమవళవన్‌కు సూచించినట్లు తెలిపారు.

డీఎంకే హయాంలో కోల్పోయిన అవకాశం..

గతంలో డీఎంకే ప్రభుత్వంలో భాగం కావడానికి వీసీకే ప్రయత్నించిందని, కానీ ఆ అవకాశం దక్కలేదని రవికుమార్ గుర్తుచేశారు. ఇప్పుడు మళ్లీ అలాంటి పరిస్థితి రాకూడదని భావిస్తున్నట్లు చెప్పారు. అయితే, టీవీకేకు మద్దతు ఇవ్వడం అంటే కూటమి మార్పు అన్న మాటేనని ఆయన స్పష్టం చేశారు. డీఎంకేతో సంబంధాలు కొనసాగిస్తూ మరో కూటమిలో ఉండటం సాధ్యం కాదన్నారు.