తమిళనాడులో కొత్తగా అధికారం చేపట్టిన విజయ్ మంత్రివర్గ కూర్పు ప్రారంభించారు. లోక్ భవన్ లో జరిగిన ఒక కార్యక్రమంలో 23 మందిని కొత్తగా మంత్రివర్గంలో చేర్చుకున్నారు.

వీరిలో వీరిలో 21 మంది తమిళగ వెట్రి కజగం (టీవీకే) నుంచి, ఇద్దరు కాంగ్రెస్ నుంచి ఉన్నారు.

ఈ విస్తరణతో, ముఖ్యమంత్రి సి. జోసెఫ్ విజయ్ ప్రభుత్వంలోని మంత్రివర్గ బలం, స్వయంగా ముఖ్యమంత్రితో కలిపి 33కి చేరింది. అయితే ఇందులో ఏడుగురు దళితులు ఉండటం గమనార్హం. స్వాతంత్య్రనంతర కాలంలో తమిళనాడులో ఏర్పడిన మొట్టమొదటి నిజమైన సంకీర్ణ ప్రభుత్వం ఇది. తద్వారా సుదీర్ఘకాలంగా కొనసాగుతున్న ద్రవిడ ఏక పార్టీ ఆధిపత్యానికి తెరపడింది.

ముఖ్యమంత్రి విజయ్ నేతృత్వంలోని టీవీకే ప్రభుత్వం ఏడుగురు దళిత మంత్రులను చేర్చుకుంది, ఇది రాష్ట్ర చరిత్రలోనే అత్యధిక సంఖ్య. వీరిలో ఆరుగురు ఎస్సీ రిజర్వ్డ్ నియోజకవర్గాల నుంచి ఎన్నికయ్యారు.
ఏడుగురు దళిత మంత్రులు వీరే
రాజ్‌మోహన్ (ఎగ్మోర్ ఎస్సీ),ఎస్. కమాలి (అవినాశి ఎస్సీ),వి. గాంధీరాజ్ (అరక్కోణం ఎస్సీ),పి. మథన్ రాజా (ఒట్టపిడారం ఎస్సీ),లోకేష్ తమిళసెల్వన్ (రాసిపురం ఎస్సీ),పి. విశ్వనాథన్ (కాంగ్రెస్ - జనరల్ నియోజకవర్గం),కె. తెన్నరసు (శ్రీపెరుంబుదూర్ ఎస్సీ).పదవీకాలం ముగుస్తున్న డీఎంకే ప్రభుత్వంలో నలుగురు దళిత మంత్రులుగా ఉన్న సి.వి. గణేసన్, ఎన్. మతివేంతన్, ఎన్. కయల్విళి సెల్వరాజ్, డాక్టర్ గోవి చెజియన్‌ల గత రికార్డును అధిగమించింది.'సంకీర్ణ రాజకీయాల కాలం'దాదాపు ఆరు దశాబ్దాలుగా, తమిళనాడు రాజకీయాలు డీఎంకే, ఏఐఏడీఎంకేల చుట్టూనే తిరిగాయి. రెండు సంవత్సరాల క్రితం పుట్టిన టీవీకే పార్టీ విజయం సాధించడంతో, 2026 అసెంబ్లీ ఎన్నికలు ఈ ద్వంద్వాధిపత్యాన్ని బద్దలు కొట్టాయి. సంఖ్యాబలం సాధించడానికి, టీవీకే ప్రధానంగా కాంగ్రెస్‌తో పాటు వీసీకే, ఐయూఎంఎల్ వంటి మిత్రపక్షాలతో కలిసి సంకీర్ణ ప్రభుత్వాన్ని ఏర్పాటు చేసింది.విజయ్ సినీరంగంలో ఉన్నప్పుడు స్థాపించిన చారిటీలో తనతో నిలబడి విజయం సాధించిన వారికి మంత్రివర్గంలో ఎక్కువ ప్రాధాన్యం ఇచ్చారు. తూత్తుకుడికి చెందిన సన్నిహితుడు, ప్రముఖ సినీ నటుడు శ్రీనాథ్ ప్రమాణ స్వీకారం చేసిన వారిలో ఉన్నారు. ఈ మంత్రివర్గంలో విస్తృత సామాజిక సమ్మిళితత్వం కూడా ప్రతిబింబిస్తుంది. నలుగురు మహిళా మంత్రులు, ఏడుగురు క్రైస్తవులు, ఒక ముస్లిం (అరంథాంగికి చెందిన మహమ్మద్ పర్వేజ్). ఈ పరిణామాన్ని కాంగ్రెస్ నాయకులు స్వాగతించారు.ఈ చేరిక కాంగ్రెస్ కార్యకర్తల చిరకాల స్వప్నమని సీనియర్ నాయకుడు గిరీష్ అన్నారు మరియు కొత్త మంత్రులు కామరాజ్ వారసత్వాన్ని నిలబెట్టాలని కోరారు. ప్రవీణ్ చక్రవర్తి దీనిని "తమిళనాడులో సంకీర్ణ రాజకీయాల ఉదయం"గా దాదాపు 60 ఏళ్ల తర్వాత కాంగ్రెస్‌కు ఒక కొత్త ప్రారంభంగా అభివర్ణించారు.సమీకరణాలు..అన్నాడీఎంకే రెబెల్ గ్రూపుకు మంత్రి వర్గంలో ఎటువంటి ప్రాధాన్యం దక్కలేదు. అసలు వారిని పరిగణలోకి కూడా తీసుకోలేదు. అలాగే ఈరోజు వీసీకే లేదా ఐయూఎంఎల్ ఎమ్మెల్యేలెవరూ ప్రమాణ స్వీకారం చేయలేదు. గరిష్టంగా 35 స్థానాలకు గాను, మిగిలిన రెండు స్థానాలు తదుపరి మంత్రివర్గ విస్తరణలో వారికోసమే రిజర్వ్ చేయబడ్డాయని సమాచారం. టీవీకేకు తొమ్మిది మంది ఎమ్మెల్యేలను అందించినప్పటికీ, తిరువళ్లూరు జిల్లాకు ఇంకా మంత్రి పదవి లభించలేదు. ఏడుగురు మంత్రులతో (కేబినెట్‌లో దాదాపు ఐదవ వంతు) చెన్నై ఆధిపత్యం చెలాయిస్తుండగా, ఆ తర్వాత ముగ్గురితో నామక్కల్ ఉంది. తమిళనాడులోని 38 జిల్లాలలో కేవలం 18 జిల్లాల నుంచే మంత్రులు ఉన్నారు.