తమిళనాడు అసెంబ్లీ ఎన్నికలలో అనూహ్య ఫలితాలు వచ్చాయి. నటుడు విజయ్ స్థాపించిన టీవీకే పార్టీ సింగిల్ లార్జెస్ట్ పార్టీగా అవతరించింది. గత ఆరు దశాబ్దాలలో తొలిసారిగా, రాష్ట్రంలో ఒక ద్రవిడేతర పార్టీ ప్రభుత్వాన్ని ఏర్పాటు చేసేందుకు సిద్ధంగా ఉన్నట్లు కనిపిస్తోంది.
ఉదాహారణ..గత సమయంలో ఈ ఏర్పాటు రాజకీయ ప్రత్యర్థుల నుంచి తీవ్ర విమర్శలను ఎదుర్కొంది. జె. జయలలిత ఈ రాజకీయాలను పదేపదే ఎగతాళి చేశారు. అయినప్పటికీ, వ్యూహాత్మక మద్దతు ఉంటే మైనారిటీ ప్రభుత్వాలు కూడా మనుగడ సాగించగలవని చూపిస్తూ, ఆ ప్రభుత్వం తన పదవీకాలాన్ని పూర్తి చేయగలిగింది. ఇప్పుడు, విజయ్ కూడా అలాంటి ఛాయిస్ నే ఎదుర్కొంటున్నారు. బయటి మద్దతుతో ప్రభుత్వాన్ని ఏర్పాటు చేయడం వారి ముందు ఉన్న ఒక విధి.పీఎంకే, వీసీకే, డీఎండీకే వంటి ప్రాంతీయ పార్టీలు, సీపీఐ(ఎం) వంటి వామపక్ష పార్టీలతో కలిసి తగినన్ని సీట్లు గెలుచుకుంటే కీలక పాత్ర పోషించగలవు.ఏఐఏడీఎంకేతో ఎన్నికల అనంతర అవగాహనకు రావడం మరో అవకాశం. అయితే, ఇది సవాళ్లతో కూడుకున్నది. విజయ్ తనను తాను రెండు ప్రధాన ద్రవిడ పార్టీలకు ప్రత్యామ్నాయంగా ప్రకటించుకున్నారు.ఏఐఏడీఎంకేతో పొత్తు పెట్టుకోవడం ఆయనకున్న ప్రభుత్వ వ్యతిరేక ఆకర్షణను తగ్గింపోవచ్చు. అయితే ఎడప్పాడి కె పళనిస్వామి తన నాయకత్వ స్థానాన్ని వదులుకుంటారా లేదా అనేది కూడా అస్పష్టంగా ఉంది. పొత్తుల ఎంపికల విషయానికొస్తే, బీజేపీతో పొత్తుకు దిగే అవకాశం తక్కువగా కనిపిస్తోంది. విజయ్ ఆ పార్టీని నిరంతరం ఒక రాజకీయ ప్రత్యర్థిగా చిత్రీకరిస్తూ రావడం, ప్రస్తుత పరిస్థితుల్లో ఎన్నికల తర్వాత పొత్తు పెట్టుకోవడాన్ని కష్టతరం చేస్తోంది.దీంతో కాంగ్రెస్ ఒక కీలక శక్తిగా మారే అవకాశం ఉంది. విశ్వసనీయ వర్గాల సమాచారం ప్రకారం, తెరవెనుక చర్చలు ఇప్పటికే జరుగుతూ ఉండవచ్చు. కేబినెట్లో చేరకపోయినా, కాంగ్రెస్ విజయ్ నేతృత్వంలోని ప్రభుత్వానికి బయటి నుంచి మద్దతు ఇవ్వవచ్చు. ఈ ఏర్పాటులో వీసీకే, సీపీఐ, సీపీఐ(ఎం), ఐయూఎంఎల్ వంటి చిన్న పార్టీలు కూడా భాగం కావచ్చు.వారి సంఖ్యాబలం పరిమితంగా ఉన్నందున, ఈ పార్టీలకు పెద్దగా బేరసారాల శక్తి ఉండకపోవచ్చు. ఇది విజయ్కు సంకీర్ణ నిర్వహణను సులభతరం చేసే అవకాశం ఉంది.కీలకమైన రాజకీయ స్థానం..సినిమా నుంచి రాజకీయాల్లోకి అడుగుపెట్టిన ఆయన, దేశంలోని అత్యంత రాజకీయ చైతన్యవంతమైన రాష్ట్రాలలో ఒకదానిలో ఇప్పుడు అధికారపు అందుకోవడానికి సిద్దంగా ఉన్నారు. కానీ ప్రభుత్వాన్ని ఏర్పాటు చేయడం మొదటి అడుగు మాత్రమే. దానిని నిలబెట్టుకోవడం అనేది ఆయన పొత్తులను ఎంత సమర్థవంతంగా నిర్వహిస్తారు పరస్పర విరుద్ధ ప్రయోజనాలను ఎలా నిర్వహిస్తారనేది కీలకాంశం.పరిపాలనా స్థిరత్వాన్ని ఎలా సాధిస్తారనే దానిపై ఆధారపడి ఉంటుంది. ఫలితాలు వెలువడుతున్న కొద్దీ, ఒక ప్రశ్న పదే పదే వస్తోంది. తమిళనాడులో విజయ్ నేతృత్వంలో స్థిరమైన ప్రభుత్వం ఏర్పడుతుందా, లేక సంకీర్ణ యుగం తిరిగి రానుందా? అనేది ముందు ముందు తేలుతుంది.
Dailyhunt
Disclaimer: This content has not been generated, created or edited by Dailyhunt. Publisher: The FEDERAL TELANGANA