SRH vs CSK : ఇండియన్ ప్రీమియర్ లీగ్ (IPL)లో ప్రతి మ్యాచ్ ఉత్కంఠభరితంగా సాగుతుండగా, నిన్న జరిగిన చెన్నై సూపర్ కింగ్స్ (CSK) మరియు సన్‌రైజర్స్ హైదరాబాద్ (SRH) మ్యాచ్ అభిమానులకు పూర్తి ఎంటర్‌టైన్‌మెంట్ అందించింది.

మ్యాచ్‌లో SRH విజయం సాధించినప్పటికీ, అందరి దృష్టిని ఆకర్షించింది మాత్రం హెన్రిచ్ క్లాసెన్ మరియు సంజూ శాంసన్ మధ్య జరిగిన చిన్నపాటి ఘర్షణ.మ్యాచ్ కీలక దశలో SRH స్టార్ బ్యాటర్ హెన్రిచ్ క్లాసెన్ క్రీజులో నిలదొక్కుకొని భారీ షాట్లతో CSK బౌలర్లపై దాడి చేస్తున్నాడు. అతడి బ్యాటింగ్‌తో మ్యాచ్ SRH వైపు మళ్లుతున్నట్లు కనిపించింది. అయితే అదే సమయంలో వికెట్ కీపర్ సంజూ శాంసన్ తన చాకచక్యాన్ని చూపించాడు.బౌలర్ వేసిన బంతిని ఆడేందుకు ముందుకు వచ్చిన క్లాసెన్ క్షణాల్లోనే బ్యాలెన్స్ కోల్పోయాడు. ఆ అవకాశాన్ని అద్భుతంగా వినియోగించుకున్న సంజూ శాంసన్ మెరుపు వేగంతో బైల్స్‌ను గాల్లోకి ఎగరేసి క్లాసెన్‌ను స్టంప్ ఔట్ చేశాడు.

SRH vs CSK : క్లాసెన్-శాంసన్ మధ్య ఘర్షణ.. అసలేం జరిగింది?

థర్డ్ అంపైర్ రిప్లేలో కూడా క్లాసెన్ క్రీజ్ బయట ఉన్నట్లు స్పష్టంగా కనిపించడంతో అంపైర్ ఔట్‌గా ప్రకటించారు.అయితే అసలు డ్రామా అక్కడి నుంచే మొదలైంది. ఔట్ అయిన తర్వాత క్లాసెన్ పెవిలియన్ వైపు నడుస్తుండగా, సంజూ శాంసన్ అతడిని సీరియస్ లుక్‌తో చూసినట్లు వీడియోలో కనిపించింది. ఈ సమయంలో క్లాసెన్ ఒక్కసారిగా తిరిగి వచ్చి సంజూతో అగ్రెసివ్‌గా మాట్లాడినట్లు సోషల్ మీడియాలో వైరల్ అవుతున్న వీడియోల్లో స్పష్టంగా కనిపిస్తోంది.ఇద్దరి మధ్య వాగ్వాదం మరింత పెరిగే పరిస్థితి కనిపించడంతో వెంటనే అంపైర్ మరియు ఇతర ఆటగాళ్లు మధ్యలోకి వచ్చి వారిని శాంతింపజేశారు. దీంతో పరిస్థితి అదుపులోకి వచ్చింది. అయితే ఈ సంఘటన మ్యాచ్ ముగిసిన తర్వాత కూడా సోషల్ మీడియాలో పెద్ద చర్చకు దారితీసింది.కొంతమంది అభిమానులు సంజూ శాంసన్ ఆగ్రహభరిత చూపు క్లాసెన్‌కు నచ్చలేదని కామెంట్లు చేస్తున్నారు.