భారత దేశంలో ఎలక్ట్రిక్ వాహనాల డిమాండ్ వేగంగా పెరుగుతున్న నేపథ్యంలో కంపెనీలు దానికి అనుగుణంగా వాహనాలను అందుబాటులోకి తీసుకువస్తున్నారు. టాటా మోటార్స్ తన కొత్త SUV Curvv EV SeriesX ను మార్కెట్‌లోకి తీసుకొచ్చింది.

ఆధునిక డిజైన్, సస్టైనబుల్ డ్రైవింగ్ అనుభవం, టెక్నాలిజీతో దీనిని తీసుకువచ్చారు.ఈ వాహనం టాటా యొక్క acti.ev ప్లాట్‌ఫారమ్‌పై నిర్మించారు . దీని ప్రధాన లక్ష్యం ఎలక్ట్రిక్ డ్రైవింగ్‌ను మరింత సౌకర్యవంతంగా, విశ్వసనీయంగా అందించడం . ఆధునిక కూపే-SUV డిజైన్‌తో పాటు, వినియోగదారుల అవసరాలను దృష్టిలో ఉంచుకుని సౌకర్యవంతమైన ఫీచర్లను అందించారు . లాంగ్ రన్ బ్యాటరీ వారంటీతో పాటు, పర్యావరణానికి అనుకూలమైన ప్రయాణాన్ని అందించడమే దీని ప్రత్యేకత.
Tata Curvv EV SeriesX
టాటా మోటార్స్ లాంచ్ చేసిన Curvv EV SeriesX భారతీయ ఎలక్ట్రిక్ SUV మార్కెట్‌లో ఒక కొత్త మైలురాయిగా నిలుస్తోంది. ఈ వాహనం acti.ev ప్లాట్‌ఫారమ్‌పై నిర్మించారు . ఇది టాటా యొక్క ప్రత్యేక pure EV ఆర్కిటెక్చర్. ఈ కార్ 55 kWh లిక్విడ్-కూల్డ్ బ్యాటరీతో వస్తుంది . ఇది 123 kW (167 PS) పవర్ , 215 Nm టార్క్‌ను ఉత్పత్తి చేస్తుంది. దీని ప్రధాన ఆకర్షణ ARAI సర్టిఫైడ్ 502 కిలోమీటర్ల రేంజ్అందిస్తుంది . సాధారణ డ్రైవింగ్‌లో సుమారు 400 కిలోమీటర్ల వాస్తవ రేంజ్ అందిస్తుంది. వేగం పరంగా 0 నుండి 100 kmph వరకు కేవలం 8.6 సెకన్లలో చేరుతుంది. ఇది SUV సెగ్మెంట్ లో అత్యంత వేగవంతమైన పెర్ఫార్మన్స్ గా చెప్పవచ్చు.

ఫీచర్స్
12.3 అంగుళాల Harman టచ్‌స్క్రీన్, 10.25 అంగుళాల డిజిటల్ కాక్‌పిట్, JBL 9-స్పీకర్ ఆడియో సిస్టమ్, మల్టీ డ్రైవ్ మోడ్‌లు Eco, City, Sport, రెజెనరేటివ్ బ్రేకింగ్ వంటి ఫీచర్స్ ఉన్నాయి . భద్రతా పరంగా లెవెల్ 2 ADAS, అడాప్టివ్ క్రూజ్ కంట్రోల్, లైన్ కీప్ అసిస్ట్, బ్లైండ్ స్పాట్ మానిటరింగ్, ఆటోమేటిక్ ఎమర్జెన్సీ బ్రేకింగ్, 6 ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్, రేర్ క్రాస్ ట్రాఫిక్ అలెర్ట్ వంటి ఆధునిక ఫీచర్లు ఉన్నాయి.

చార్జింగ్ సౌకర్యాలు కూడా వినియోగదారుల అవసరాలను దృష్టిలో ఉంచుకుని రూపొందించారు . 7.2 kW AC హోమ్ చార్జర్ ద్వారా సుమారు 7.6 గంటల్లో పూర్తి చార్జ్ అవుతుంది.70 kW DC ఫాస్ట్ చార్జర్ ద్వారా కేవలం 40 నిమిషాల్లో 10-80% వరకు చార్జ్ అవుతుంది. V2L (Vehicle to Load) , V2V (Vehicle to Vehicle) టెక్నాలజీతో ఇతర పరికరాలు లేదా వాహనాలకు పవర్ షేర్ చేయగలదు.

ధరలు
Accomplished X 55 వేరియంట్ ఎక్స్ షో రూమ్ ధర Rs 16.99 లక్షలు
Empowered X 55 వేరియంట్ ఎక్స్ షో రూమ్ ధర Rs 19.19 లక్షలు
Empowered X 55 DARK వేరియంట్ ఎక్స్ షో రూమ్ ధర Rs 19.49 లక్షలు
Curvv EV SeriesX పవర్ , కంఫర్ట్ , సేఫ్టీ , సస్టైనబిలిటీ తో ఎలక్ట్రిక్ SUV మార్కెట్‌లో పోటీలో నిలువనుంది.

Read more news like this on telugu.timesnownews.com