వేసవిలో ఉష్ణోగ్రతలు 40 డిగ్రీల పైగా పెరిగినప్పుడు ఆ త్రివతను తట్టుకోవడం చాల కష్టం.ఎయిర్ కండీషనర్ వినియోగం తప్పనిసరి అవుతుంది. గదిని చల్లగా ఉంచడమే కాకుండా శరీరానికి ఉపశమనం కలిగించడంలో AC కీలక పాత్ర పోషిస్తుంది.

కానీ చాల అధిక వేడిగా ఉన్న పరిస్థితుల్లో నిర్లక్ష్యంగా వాడితే AC ఒత్తిడికి గురై ప్రమాదకర పరిస్థితులు తలెత్తే అవకాశంకూడా ఉంటుంది.విద్యుత్ సరఫరా మార్పులు, ఇంటీరియర్ భాగాలు వేడెక్కడం, రెఫ్రిజరెంట్ లీకేజ్ వంటి అంశాలను వినియోగదారులు సాధారణంగా గమనించరు. ఇవి చిన్న సమస్యలుగా కనిపించినా పెద్ద ప్రమాదాలకు దారితీసే అవకాశముంది. వేసవిలో ACని సురక్షితంగా ఉపయోగించడానికి కొన్ని ముఖ్యమైన పద్ధతులు పాటించడం అత్యంత అవసరం.
అధిక వేడిలో AC వాడితే ఏమవుతుంది?
వేసవి తీవ్రత ఎక్కువగా ఉన్నపుడు చాలామంది గంటల తరబడి ACని ఆపకుండా నడిపిస్తారు. ఇలా కంటిన్యూ గా వాడడం వలన AC లోపలి భాగాలు వేడి ఎక్కి అగ్ని ప్రమాదానికి దారితీసే అవకాశాన్ని పెంచుతుంది.

మరో ప్రధాన కారణం లీకేజ్. ACలోని గ్యాస్ చల్లదనాన్ని కలిగించడానికి కీలకంగా ఉపయోగపడేది రెఫ్రిజరెంట్.అధిక వేడిలో ఎక్కుగా వినియోగిచడం వలన రెఫ్రిజరెంట్ లీకేజ్ ఏర్పడే అవకాశం ఉంది. ఉష్ణోగ్రతలను కంట్రోల్ చేయడానికి యూనిట్ అదనంగా పని చేయాల్సి వస్తుంది. ఈ అదనపు ఒత్తిడి యూనిట్‌ను వేడెక్కించి ఒక స్టేజి లో అగ్ని ప్రమాదానికి దారితీసే అవకాశం ఉంటుంది.
వోల్టేజ్ ఫ్లక్చుయేషన్ కూడా ఒక ప్రధాన సమస్య. ఆకస్మికంగా వోల్టేజ్ పెరగడం లేదా తగ్గడం వల్ల ACలోని సున్నితమైన భాగాలు దెబ్బతింటాయి. కాలక్రమంలో ఇవి ఎలక్ట్రికల్ ప్రాబ్లెమ్ లేదా షార్ట్ సర్క్యూట్‌లకు దారితీసే అవకాశం ఉంటుంది.

తీసుకోవలసిన జాగ్రత్తలు
1. రెగ్యూలర్ AC సర్వీసింగ్ చేయించడం చాల ముఖ్యం.సాధరణంగా చాల మంది సమ్మర్ లో AC ని ఉపయోగిస్తారు .వేసవి ప్రారంభానికి ముందు ప్రొఫెషనల్ టెక్నీషియన్ ద్వారా సర్వీసింగ్ చేయించుకోవడం వలన గ్యాస్ లీకేజ్, దెబ్బతిన్న భాగాలు , వైరింగ్ లోని సమస్యలు ముందుగానే గుర్తించి నివారించుకోవచ్చు.
2. వోల్టేజ్ ఫ్లక్చుయేషన్ వలన AC లో ప్రాబ్లెమ్ రాకుండా స్టెబిలైజర్ ఉపయోగించడం మంచిది . ఇది విద్యుత్ సరఫరాలో మార్పులను నియంత్రించి ఎలాంటి డ్యామేజ్ జరగకుండా ACని రక్షిస్తుంది
3. AC కూలింగ్ అందించే దానిలో ప్రధాన మైనది ఎయిర్ ఫిల్టర్లు.దుమ్ము పట్టిన ఫిల్టర్లు గాలి ప్రవాహాన్ని అడ్డుకుని ACని సాధారణం కంటే ఎక్కువగా పనిచేయాల్సిన పరిస్థితి కలిగిస్తాయి. దీని ప్రభావం కూలింగ్ పెర్ఫార్మన్స్ పై పడడం తోపాటు యంత్రం వేడెక్కే ప్రమాదాన్ని కూడా పెంచుతుంది.
4. ACని కంటిన్యూ గా వాడకుండా మధ్యలో కొంత విరామం ఇవ్వడం మంచిది.లేదంటే టైమర్ ఉపయోగించడం వలన యూనిట్ వేడెక్కకుండా ఉంటుంది.అలాగే లాంగ్ టైం రన్నింగ్ కెపాసిటీని కూడా పెంచుతుంది.
5. అవుట్ డోర్ యూనిట్‌కు కూడా సరైన గాలి తగిలేలాగా చూసుకోవాలి. వేడి సులభంగా బయటకు వెళ్లేలా అది ఓపెన్ ప్లేస్ లో ఇన్స్టాల్ చేసుకోవాలి.ఎండ ఎక్కువగా ఉంటె దానిపైన రూఫ్ లాగా ఏర్పాటు చేసుకోవడం చాల ఉత్తమం
వేసవి తీవ్రత ఎక్కువగా ఉన్నపుడు ACని సురక్షితంగా వాడటం అత్యంత ముఖ్యం . నిరంతర వినియోగం, వోల్టేజ్ మార్పులు, గ్యాస్ లీకేజ్, దుమ్ము పట్టిన ఫిల్టర్లు ప్రమాదాలకు దారితీసే అంశాలు. సరైన సర్వీసింగ్, స్టెబిలైజర్ వినియోగం, గాలి ప్రసరణ లాంటి జాగ్రత్తలు పాటిస్తే AC ఎక్కువ కాలం పనిచేస్తూ సురక్షితంగా ఉంటుంది.

Read more news like this on telugu.timesnownews.com