పెట్రోల్ ఖర్చులు బరమవుతూ ఉండడంతో సిటీలో రోజువారీ ప్రయాణానికి ఎలక్ట్రిక్ స్కూటర్ల డిమాండ్ పెరుగుతుంది . ముఖ్యంగా లాంగ్ రేంజ్ ఎలక్ట్రిక్ స్కూటర్లు వినియోగదారులకు కంఫర్ట్ , తక్కువ ఖర్చు, పర్యావరణహిత ప్రయాణాన్ని అందిస్తున్నాయి.

ఫుల్ ఛార్జ్ చేస్తే ఎక్కువ కిలోమీటర్ల ప్రయాణాన్ని అందించే ఈ స్కూటర్లు రోజువారీ ప్రయాణాలకు మాత్రమే కాకుండా దూర ప్రయాణాలకు కూడా అనువుగా మారాయి. కార్బన్ ఉద్గారాలను తగ్గించడం ద్వారా పర్యావరణ పరిరక్షణలో కూడా ఇవి కీలక పాత్ర పోషిస్తున్నాయి. ఆధునిక సాంకేతికతతో రూపొందిన బ్యాటరీలు, స్మార్ట్ ఫీచర్లు, వేగవంతమైన ఛార్జింగ్ సదుపాయాలు ఈ స్కూటర్లను మరింత ఆకర్షణీయంగా మార్చాయి. రాబోయే రోజుల్లో లాంగ్ రేంజ్ ఎలక్ట్రిక్ స్కూటర్లు పట్టణ రవాణా రంగంలో ప్రధాన స్థానాన్ని సంపాదించనున్నాయి.
సింపుల్ వన్ ఎలక్ట్రిక్ స్కూటర్
సింపుల్ ఎనర్జీ వన్ ఎలక్ట్రిక్ స్కూటర్ ప్రస్తుతం భారతదేశంలో అత్యంత లాంగ్ రేంజ్ మోడల్‌గా గుర్తింపు పొందింది. ఈ స్కూటర్‌లో 5 kWh సామర్థ్యం గల బ్యాటరీ ఉంటుంది . ఇది ఒకసారిఫుల్ ఛార్జ్ చేస్తే గరిష్టంగా 265km వరకు ప్రయాణించే సామర్థ్యం కలిగి ఉంటుంది. మోటార్ 8.5-8.8 kW పవర్, 72 Nm టార్క్ ను అందిస్తుంది. ఇది 0-40 kmph కేవలం 2.55 సెకన్లలో చేరుతుంది. టాప్ స్పీడ్ 115kmph వరకు ఉండటం వల్ల ఇది నగర ప్రయాణాలకు మాత్రమే కాకుండా దూర ప్రయాణాలకు కూడా అనువుగా ఉంటుంది.

ఫీచర్స్
ఈ స్కూటర్‌లో EcoX, Normal, Dash, Sonic, Sonic X వంటి రైడ్ మోడ్‌లు అందుబాటులో ఉన్నాయి. రెజెనరేటివ్ బ్రేకింగ్, ట్రాక్షన్ కంట్రోల్, క్రూయిజ్ కంట్రోల్, మొబైల్ యాప్ కనెక్టివిటీ, నావిగేషన్, కాల్ & మ్యూజిక్ కంట్రోల్ వంటి ఆధునిక ఫీచర్లు కూడా ఉన్నాయి. IP67 రేటింగ్‌తో బ్యాటరీ నీరు , ధూళి ప్రొటెక్షన్ కలిగి ఉంటుంది. దీని ఎక్స్ షో రూమ్ ధర ₹1,89,999/-
సింపుల్ Ultra ఎలక్ట్రిక్ స్కూటర్
సింపుల్ అల్ట్రా ఎలక్ట్రిక్ స్కూటర్ భారతదేశంలో అత్యధిక రేంజ్ కలిగిన స్కూటర్‌గా ప్రత్యేక గుర్తింపు పొందింది. ఈ స్కూటర్‌లో 6.5 kWh సామర్థ్యం గల డ్యూయల్ బ్యాటరీ ఉంటుంది . ఇది ఒకసారి ఫుల్ ఛార్జ్ చేస్తే గరిష్టంగా 400 km వరకు ప్రయాణించే సామర్థ్యం కలిగి ఉంటుంది. PMSM మోటార్ 8.8 kW పవర్, 72 Nm టార్క్‌ను ఉత్పత్తి చేస్తుంది. ఇది 0-40 kmph కేవలం 2.7 సెకన్లలో చేరుతుంది. టాప్ స్పీడ్ 115 kmph ఉండటం వల్ల ఇది నగర ప్రయాణాలకు మాత్రమే కాకుండా దూర ప్రయాణాలకు కూడా అనువుగా ఉంటుంది.

ఫీచర్స్
ఈ స్కూటర్‌లో Eco, Ride, Air, Sonic, EcoX, Sonic X వంటి రైడ్ మోడ్‌లు అందుబాటులో ఉన్నాయి. రెజెనరేటివ్ బ్రేకింగ్, ట్రాక్షన్ కంట్రోల్, క్రూయిజ్ కంట్రోల్, హిల్-హోల్డ్ అసిస్టు, Theft & Tow అలర్ట్, జియో-ఫెన్సింగ్, TPMS (టైర్ ప్రెషర్ మానిటరింగ్), లైవ్ లొకేషన్ షేరింగ్ వంటి ఆధునిక ఫీచర్లు కూడా ఉన్నాయి. 7 అంగుళాల TFT డిస్‌ప్లే, మొబైల్ యాప్ కనెక్టివిటీ, నావిగేషన్, కాల్ & మ్యూజిక్ కంట్రోల్ వంటి ఫీచర్స్ వినియోగదారులకు కంఫర్ట్ అందిస్తాయి .దీని ఎక్స్ షో రూమ్ ధర ₹2,34,999/-
TVS iQube ST 5.3 kWh
ఈ ఎలక్ట్రిక్ స్కూటర్ నగర ప్రయాణాలకు అనువైన మోడల్‌గా రూపొందించారు . ఇందులో 5.3 kWh సామర్థ్యం గల బ్యాటరీ ఉంటుంది .ఇది ఒకసారి ఫుల్ ఛార్జ్ చేస్తే గరిష్టంగా 212 km వరకు ప్రయాణించే సామర్థ్యం కలిగి ఉంటుంది. ఈ స్కూటర్ 82 kmph టాప్ స్పీడ్‌ను అందుకోగలదు. 0-40 kmph వేగాన్ని కేవలం 4.5 సెకన్లలో చేరుతుంది. TVS PMSM మోటార్ ద్వారా పవర్ఫుల్ పెర్ఫార్మన్స్ అందిస్తుంది .

ఫీచర్స్
ఈ మోడల్‌లో 17.78 cm TFT టచ్ డిస్‌ప్లే, వాయిస్ అసిస్టు, Alexa ఇంటిగ్రేషన్, టర్న్-బై-టర్న్ నావిగేషన్, రిమోట్ ఛార్జ్ స్టేటస్, OTA అప్‌డేట్స్ వంటి ఆధునిక కనెక్టివిటీ ఫీచర్లు ఉన్నాయి. 32 లీటర్ల అండర్‌సీట్ స్టోరేజ్ ఇది రెండు హెల్మెట్లు పెట్టుకునేంత విస్తారంగా ఉంటుంది. రివర్స్/ఫార్వర్డ్ అసిస్టు, USB ఛార్జింగ్ పోర్ట్ వంటి ఫీచర్స్ కూడా వినియోగదారులకు అందుబాటులో ఉన్నాయి.దీని ఎక్స్ షో రూమ్ ధర ₹1,70,984/-
Ola S1 Pro Gen 3
ఈ ఎలక్ట్రిక్ స్కూటర్ ప్రస్తుతం మార్కెట్లో అత్యంత శక్తివంతమైన ,లాంగ్ రేంజ్ మోడల్‌గా గుర్తింపు పొందింది. ఇందులో 5.2 kWh సామర్థ్యం గల బ్యాటరీ ఉంటుంది. ఇది ఒకసారిఫుల్ ఛార్జ్ చేస్తే గరిష్టంగా 320 km వరకు ప్రయాణించే సామర్థ్యం కలిగి ఉంటుంది. ఈ స్కూటర్ 13 kW పీక్ మోటార్ పవర్‌ను అందిస్తుంది. 0-40 kmph వేగాన్ని కేవలం 2.1 సెకన్లలో చేరుతుంది. టాప్ స్పీడ్ 130 kmph గా ఉంటుంది.

ఫీచర్స్
ఈ మోడల్‌లో Eco, Normal, Sport, Hyper వంటి రైడ్ మోడ్‌లు అందుబాటులో ఉన్నాయి. డ్యూయల్ ABS, బ్రేక్-బై-వైర్ టెక్నాలజీ, క్రూయిజ్ కంట్రోల్, రివర్స్ మోడ్, రెజెనరేటివ్ బ్రేకింగ్ వంటి భద్రతా ఫీచర్లు ఉన్నాయి. MoveOS 5 సాఫ్ట్‌వేర్‌తో SOS Alerts, రోడ్ ట్రిప్ మోడ్, భారత్ మూడ్, మల్టీ-మోడ్ ట్రాక్షన్ కంట్రోల్, OTA అప్‌డేట్స్, GPS, మ్యూజిక్ కంట్రోల్ వంటి ఆధునిక కనెక్టివిటీ ఫీచర్స్ ఉన్నాయి.దీని ఎక్స్ షో రూమ్ ధర ₹ 1,24,999/-

Read more news like this on telugu.timesnownews.com