బీపీ చెక్ చేయడానికి 30 నిమిషాల ముందు కెఫైన్ తీసుకోవద్దు
బీపీ రీడింగ్స్ తీసుకోవడానికి కనీసం 30 నిమిషాల ముందు టీ, కాఫీ వంటి కెఫైన్ డ్రింక్స్ తీసుకోవద్దు. దీనితో పాటు ధూమపానం కూడా చేయకూడదు. కెఫైన్ నాడీ వ్యవస్థను స్టిమ్యులేట్ చేస్తుందని, దీని వలన గుండె కొట్టుకునే వేగం పెరుగుతుందని, దీని వలన తాత్కాలికంగా రక్తపోటు పెరుగవచ్చని డాక్టర్ సెహ్రావత్ తెలిపారు.

భోజనం చేసిన వెంటనే చెక్ చేసుకోవద్దు
సాధారణంగా, భోజనం చేసిన వెంటనే జీర్ణవ్యవస్థ వైపు రక్త ప్రవాహం జరగడం వలన వల్ల రక్తపోటు కొంత సమయం వరకు తగ్గుతుంది. నిపుణుల అభిప్రాయం ప్రకారం, ఉప్పు, శాచురేటెడ్ ఫ్యాట్స్ లేదా కెఫిన్ వంటి కొన్ని ఆహార పదార్థాల వలన రక్తపోటు రీడింగ్ మారుతుంది.
కూర్చునే విధానం కూడా ముఖ్యమే
మీరు చదువుకోవడానికి కూర్చున్న విధంగా, వీపుకు తగినంత ఆధారం, చేతులు ఆనుకోవడానికి వీలుండేలా జాగ్రత్త వహించాలని డాక్టర్ సెహ్రావత్ అన్నారు. రక్తపోటును కొలిచే సమయంలో వంగి కూర్చోవడం వల్ల రీడింగ్‌లో వ్యత్యాసం ఏర్పడే అవకాశం ఉంది. మీరు చెక్ చేసుకునే బీపీ మెషిన్ చాలా బిగుతుగా ఉంచకూడదు, దీని వలన బ్లడ్ ప్రెషర్ రీడింగ్‌లో సమస్యలు రావచ్చు.

కుడి, ఎడమ రెండు చేతులు రెండు చెక్ చేయాలి
బ్లడ్ ప్రెజర్ చెక్ చేసుకునే సమయంలో రెండు చేతుల రీడింగ్స్ చెక్ చేసుకోవాలి. దీని ద్వారా కచ్చితమైన రీడింగ్స్ పొందవచ్చు. రెండు చేతుల్లో కనీసం 10 mm/Hg వ్యత్యాసం ఉండాలి. రెండింట్లో ఏది ఎక్కువగా ఉంటే ఆ రీడింగ్‌ను పరిగణలోకి తీసుకోవాలి.

ఇంటి వద్ద బ్లడ్ ప్రెషర్‌ను చెక్ చేసుకోవడం మంచిదే, రెగ్యులర్‌గా బీపీని మానిటర్ చేసుకోవచ్చు. అయితే వైద్యుల సలహా తీసుకోవడం ఎంతో ముఖ్యం.

Read more news like this on telugu.timesnownews.com