తమిళనాడు ఎన్నికలు విజయ్ సాధించిన ఘన విజయంతో దేశం చూపు మొత్తం ఇప్పుడు తమిళనాడు పై పడింది. నిజానికి మాస్ హీరోగా, స్టార్ గా, ప్రజల దళపతిగా విజయ్ తన టాలెంట్ తోనే ఎదిగినా, ఆయనది కూడా సినీ నేపధ్యమున్న కుటుంబమే కావడం గమనార్హం.

విజయ్ తండ్రి, తల్లి ఇద్దరు కూడా తమిళ సినిమా రంగంలో మంచి స్థాయి ఉన్న వ్యక్తులే. స్వయంగా తండ్రి 70 సినిమాలకు దర్శకత్వం వహించిన పెద్ద డైరెక్టర్ కాగా, తల్లి కూడా రైటర్, డైరెక్టర్, సింగర్ కావడం విశేషం. ఇంకో స్పెషల్ ఏంటంటే వీరు తెలుగు లో కూడా కొన్ని చిత్రాలను రూపొందించారు. అందులో మన మెగాస్టార్ చిరంజీవితో 3 చిత్రాలుండటం విశేషం.

ఎస్.ఏ. చంద్రశేఖర్ దర్శకత్వంలో చిరంజీవి నటించిన చిత్రాల్లో 'చట్టానికి కళ్ళు లేవు' తొలి చిత్రం. ఇది 1981 లో విడుదలైంది. అప్పట్లో ఈ సినిమా పెద్ద హిట్టు. నిజానికి ఈ సినిమా తమిళ రీమేక్. తమిళంలో ఆయనే దర్శకత్వం వహించారు. తమిళంలో విజయకాంత్ హీరో. ఇక ఈ సినిమా తరువాత మళ్ళీ వీళ్లిద్దరి కాంబోలో మరుసటేడు 'పల్లెటూరి మొనగాడు' అనే సినిమా వచ్చింది. ఈ సినిమా కూడా తమిళంలో ఆయన విజయ్ కాంత్ తో రూపొందించిన 'నెంజిలే తునివిరుంతాల్' అనే హిట్ మూవీ కు రీమేక్.

ఇక మెగాస్టార్ చిరంజీవి, చంద్రశేఖర్ ల కాంబో లో వచ్చిన మూడవ చిత్రం దేవాంతకుడు. ఈ సినిమాను కన్నడ సినిమాను తెలుగు రీమేక్ గా చేసారు. అప్పట్లో ఈ మూవీ పెద్ద సంచలనం. పందెం కోసం హత్య డ్రామా ఆడి నిజంగానే మర్డర్ కేసులో ఇరుక్కున్న విజయ్ అనే యువకుడిగా చిరంజీవి ఇందులో నటించారు. చిరంజీవివి సరసన విజయశాంతి ఇందులో హీరోయిన్ గా నటించారు. అప్పటికే సూపర్ హిట్లతో స్టార్ గా దూసుకుపోతున్న చిరంజీవికి ఈ చిత్రం కూడా మంచి విజయాన్ని అందించింది.

అలా చిరంజీవికి 3 హిట్టు సినిమాలను అందించారు ఎస్.ఏ. చంద్రశేఖర్. ఇక ఈ మూడు చిత్రాల విషయంలో మరో ఇంట్రస్టింగ్ విషయం ఏంటంటే వీటికి కథను దళపతి విజయ్ తల్లి శోభ అందించారు. తన సినీ కెరీర్ లో 70 కి పైగా సినిమాలకు ఎస్.ఏ. చంద్రశేఖర్ దర్శకత్వం వహించారు. ఇందులో తమిళ, తెలుగు, కన్నడ, హిందీ బాషా చిత్రాలున్నాయి.

ఇక తమిళ స్టార్ హీరో, పొలిటిషన్ దివంగత విజయ్ కాంత్ ని స్టార్ గా నిలబెట్టింది కూడా ఈయనే. విజయ్ కాంత్ తో ఈయన దాదాపు 19 సినిమాలను రూపొందించారు. ఆయన స్టార్ గా నిలబడటంతో ఈయన పాత్ర చాలా ఉంది.

విజయ్ కాంత్ తో పాటు తన కొడుకు విజయ్ సినిమాలు కూడా చాలానే డైరెక్ట్ చేసారు. తాను దర్శకత్వం వహించిన 'వెట్రి' సినిమాతోనే విజయ్ బాలనటుడిగా సినీ రంగ ప్రవేశం జరిగింది. ఇక కొడుకు విజయ్ హీరోగా చేసిన తొలి చిత్రం 'నాలయ తీర్పు' కు కూడా ఆయనే దర్శకుడు. ఆ తరువాత కూడా రసిగన్, దేవా, విష్ణు వంటి అనేక చిత్రాలను విజయ్ తో తీసి అతడిని స్టార్ గా నిలబెట్టటానికి ఎంతో కృషి చేసారు. విజయ్ కు 'ఇళయ దళపతి' అనే బిరుదు ఇచ్చిన చిత్రం ఆయన దర్శకత్వంలో వచ్చిన రసిగాన్ కావడం విశేషం.

విజయ్‌కు రజనీకాంత్ శుభాకాంక్షలు.. 'టైమ్' గట్టి రిప్లై ఇచ్చిందంటూ రజనీపై దళపతి ఫ్యాన్స్ సెటైర్లు!

Read more news like this on telugu.timesnownews.com