మహాకుంభమేళాలో వైరల్గా మారిన ఐఐటీ బాబా పెళ్లి చేసుకున్నాడు. దైనిక్ జాగరన్ కథనం ప్రకారం, వైరల్ ఐఐటీ బాబా అభయ్ సింగ్,ప్రతీకా అనే అమ్మాయిని హిమాచల్ ప్రదేశ్లో వివాహం చేసుకున్నాడు.
మహాశివరాత్రి రోజు ఫిబ్రవరి 15న వీరిద్దరిపెళ్లి జరిగింది. అయితే ఈ దంపతులు వారి సొంత గ్రామానికి వెళ్లిన తర్వాత ఈ పెళ్లి వార్త వెలుగులోకి వచ్చింది. అప్పటి నుండి ఐఐటీ బాబా పెళ్లిఫోటోలు సోషల్ మీడియాలో వైరల్ అయ్యాయి.
ప్రతీకా అనే బెంగళూరుకు చెందిన మహిళ ఏడాది క్రితం ఐఐటీ బాబాను కలిసినట్లుగా తెలిపింది. స్నేహంగా మారిన వారి బంధం, రొమాంటిక్ రిలేషన్గా మారిందని వెల్లడించింది. అభయ్ సింగ్, ఒక నిరాడంబరమైన, నిజాయితీ గల వ్యక్తి అని ఆమె తెలిపారు, తాము కలిసి సంతృప్తిగా, సంతోషంగా ఉన్నామని కూడా తెలిపింది. ఆధునిక విద్యను ఆధ్యాత్మిక బోధనలతో మేళవించి, సనాతన విద్యపై దృష్టి సారించే విశ్వవిద్యాలయాన్ని ప్రారంభించాలనేది తమ లక్ష్యమని ఐఐటీ బాబా దంపతలు దైనిక్ జాగరణ్తో పంచుకున్నారు.
వివాహం తర్వాత అభయ్ సింగ్ తన భార్యతో కలిసి ఇంటికి తిరిగి వచ్చాడు. ఈ సందర్భంగా అతని తల్లి హారతి, మిఠాయిలతో సహా సాంప్రదాయ పద్ధతులతో నూతన దంపతులకు స్వాగతం పలికింది.
ఎవరీ ఐఐటీయన్ బాబా?
మహాకుంభమేళాలో ప్రత్యేక ఆకర్షణగా నిలిచిన ఈ ఐఐటీయన్ బాబా అసలు పేరు అభయ్ సింగ్. ఉన్నత చదువులు చదివిన అభయ్ సింగ్, ఐటీ జాబ్ వదిలేసి ఆధునిక జీవితానికి దూరంగా, ఆధ్యాత్మికత జీవితాన్ని ప్రారంభించాడు. హర్యానాకు చెందిన అభయ్ సింగ్ ముంబైలో ఎయిర్ స్పేస్ అండ్ ఏరోనాటికల్ ఇంజనీరింగ్ విద్యను పూర్తిచేశారు. అతని తండ్రి ఓ న్యాయవాది.