ఎల్పీజీ గ్యాస్ సిలిండర్ ఉందా? అయితే వెంటనే కొన్ని పనులు చేయాల్సి ఉంటుంది. అది ఏంటో ఇప్పుడు మనం తెలుసుకుందాం. ఈ మధ్యకాలంలో గ్యాస్ ఏజెన్సీల నుంచి పలువురు కస్టమర్లకు ఫోన్లు వస్తున్నాయి.

అందులో ముఖ్యంగా కేవైసీ పూర్తి చేసుకోమని, లేకుంటే గ్యాస్ సిలిండర్ కనెక్షన్ కట్ అవుతుందని ఫోన్ చేసి చెబుతున్నారు. ముఖ్యంగా ఎల్పీజీ గ్యాస్ సిలిండర్ సర్వీస్ అనేది హిందుస్థాన్ పెట్రోలియం, భారత్ పెట్రోలియం, ఇండియన్ గ్యాస్ వంటి ప్రభుత్వ రంగ కంపెనీల నుంచి ఈ సరఫరా అనేది లభిస్తుంది. అయితే కస్టమర్ల వివరాలను ఎప్పటికప్పుడు అప్‌డేట్ చేయడానికి, డొమెస్టిక్ గ్యాస్ సిలిండర్ కనెక్షన్లను క్రమబద్ధీకరణ చేసేందుకు ఈ ఎల్పీజీ గ్యాస్ సిలిండర్ల కేవైసీ అనేది నిర్వహిస్తుంటారు.

తద్వారా గ్యాస్ సిలిండర్ కనెక్షన్లను ఎప్పటికప్పుడు క్రమబద్ధీకరణ చేయడం ద్వారా వాటిని వృథా కాకుండా కాపాడేందుకే కేంద్ర ప్రభుత్వ రంగ సంస్థలైన ఆయిల్ మార్కెటింగ్ కంపెనీలు ఈ నిర్ణయం తీసుకున్నాయి. ప్రస్తుతం ఎల్పీజీ గ్యాస్ సిలిండర్ల ధరలు సైతం భారీగా పెరిగిపోతున్న నేపథ్యంలో కస్టమర్లు తప్పనిసరిగా ఈ కేవైసీ చేయించుకోవడం ద్వారా సబ్సిడీ రేట్లకే గ్యాస్ సిలిండర్లు పొందే అవకాశం ఉంటుంది.

ఒకవేళ ఎల్పీజీ గ్యాస్ సిలిండర్ ఏజెన్సీ నుంచి కేవైసీ చేయించుకోమని మీకు ఫోన్ చేసినట్లయితే, వెంటనే మీ సమీపంలో ఉన్నటువంటి గ్యాస్ ఏజెన్సీ వద్దకు వెళ్లి కేవైసీకి సంబంధించినటువంటి అవసరమైన డాక్యుమెంట్లను తీసుకొని వెళ్లి కేవైసీ చేయించుకుంటే సరిపోతుంది. సాధారణంగా కేవైసీ డాక్యుమెంట్లలో అడ్రస్ ప్రూఫ్ కోసం అవసరమైన ప్రభుత్వ డాక్యుమెంట్లు ప్రొడ్యూస్ చేస్తే సరిపోతుంది. తద్వారా మీ ఎల్పీజీ గ్యాస్ సిలిండర్ కనెక్షన్ నిలిచిపోకుండా కంటిన్యూ అవుతుంది. ప్రస్తుతం ప్రపంచవ్యాప్తంగా నెలకొని ఉన్నటువంటి ఇంధన సంక్షోభం నేపథ్యంలో ఈ పని మీరు వెంటనే చేస్తే మంచిది. లేకపోతే భవిష్యత్తులో ఇబ్బందులు తలెత్తే అవకాశం ఉంటుంది.

ఇక మరోవైపు గమనించినట్లయితే, ఎల్పీజీ గ్యాస్ సిలిండర్ల నూతన కనెక్షన్ల విషయంలో గ్యాస్ ఏజెన్సీలు ప్రస్తుతం ఉన్న పరిస్థితుల నేపథ్యంలో కొత్త కనెక్షన్లను జారీ చేసేందుకు ఎక్కువగా సుముఖత చూపించడం లేదని వార్తలు వస్తున్నాయి. అయితే ప్రస్తుతం అధికారికంగా కొత్త కనెక్షన్ల జారీని నిలిపివేయమని ఎలాంటి అధికారిక ఉత్తర్వులు లేనప్పటికీ కూడా, కనెక్షన్ల జారీ విషయంలో మాత్రం తీవ్రమైన జాప్యం ఉన్నట్లు కస్టమర్ల నుంచి కంప్లైంట్లు వస్తున్నాయి.

మరోవైపు గ్యాస్ సిలిండర్ల కొరత విషయంలో మాత్రం ఎలాంటి పుకార్లకు తావు లేదని గ్యాస్ ఏజెన్సీలు చెబుతున్నాయి. సరఫరా విషయంలో ఏమాత్రం లోటు లేదని, కస్టమర్లకు ఎప్పటికప్పుడు గ్యాస్ సిలిండర్ల సరఫరా జరుగుతోందని గ్యాస్ ఏజెన్సీలు వివరిస్తున్నాయి. అయితే గతంతో పోల్చి చూస్తే సరఫరా సమయం కాస్త ఎక్కువగా పట్టే అవకాశం ఉందని, ప్రస్తుత పరిస్థితులను దృష్టిలో ఉంచుకొని కస్టమర్లు సైతం ఇందుకు సహకరించాలని గ్యాస్ ఏజెన్సీలు పిలుపునిస్తున్నాయి. మరోవైపు కమర్షియల్ గ్యాస్ సిలిండర్ల విషయంలో ధరలు భారీగా పెరిగిపోతున్న నేపథ్యంలో చిన్న వ్యాపారులకు ఇది ఇబ్బందికరంగా ఉంది అని చెప్పవచ్చు.

Read more news like this on telugu.timesnownews.com