తమిళనాడు ఎన్నికల ఫలితాల్లో టీవీకే దూకుడు ప్రదర్శిస్తోంది. మ్యాజిగ్ ఫిగర్‌కు దగ్గరగా ఫలితాలు వెల్లడవుతున్నాయి. మెుదటి రౌండ్ నుంచి టీవీకే పార్టీ ఆధిక్యం దిశగా అడుగులు వేస్తోంది.

ఈ ఫలితాలను పరిశీలిస్తే టీవీకే అధినేత, హీరో విజయ్ ముఖ్యమంత్రి అవ్వడం ఖాయంగా తెలుస్తోంది. ఈ సందర్భంగా హీరో విజయ్‌కు ఇతర రాజకీయ పార్టీల నుంచి అభినందనలు వెల్లువెత్తుతున్నాయి. హీరోయిన్ త్రి ఏకంగా విజయ్ ఇంటికి వెళ్లి మరీ అభినందనలు తెలియజేసిన సంగతి తెలిసిందే. ఇలాంటి తరుణంలో వైసీపీ అధినేత, మాజీ సీఎం వైఎస్ జగన్ టీవీకే అధినేత విజయ్‌కు శుభాకాంక్షలు తెలియజేశారు. మరోవైపు పశ్చిమబెంగాల్‌లో విజయం సాధించిన బీజేపీకి అభినందనలు తెలియజేశారు.

హీరో విజయ్‌కి జగన్ శుభాకాంక్షలు
తమిళనాడు ఎన్నికల ఫలితాల్లో విజయ్ టీవీకే పార్టీ దూసుకెళ్తోంది. టీవీకే సింగిల్ లార్జెస్ట్ పార్టీగా అవతరించడంతోపాటు.. మ్యాజిక్ ఫిగర్ కు చేరువలో ఉంది. విజయ్ ముఖ్యమంత్రి పీఠం అధిరోహించడం ఖాయంగా తెలుస్తున్న సంగతి తెలిసిందే. ఈ సందర్భంగా టీవీకే అధినేత హీరో విజయ్‌కు వైసీపీ అధినేత, మాజీ సీఎం వైఎస్ జగన్ అభినందనలు తెలియజేశారు. తమిళనాడులో సింగిల్ లార్జెస్ట్ పార్టీగా అవతరించిన సందర్భంగా నా సోదరుడు విజయ్‌కు హృదయపూర్వక శుభాకాంక్షలు అంటూ వైఎస్ జగన్ ట్వీట్ చేశారు. తన జీవితంలో కొత్త అధ్యాయాన్ని ప్రారంభిస్తున్న విజయ్‌కి మరింత మంచి జరగాలని కోరుకుంటున్నట్లు వైఎస్ జగన్ ఎక్స్ వేదికగా ఆకాంక్షించారు.

బీజేపీకి జగన్ అభినందనలు
ఇదిలా ఉంటే పశ్చిమ బెంగాల్‌లో టీఎంసీ ఓటమి పట్ల వైసీపీ అధినేత, మాజీ సీఎం వైఎస్ జగన్ సానుభూతి వ్యక్తం చేశారు.దీదీ(మమతా బెనర్జీ) ఓటమి పట్ల తన సానుభూతి వ్యక్తం చేశారు. అదే సమమంలో పశ్చిమబెంగాల్‌లో అతిపెద్దపార్టీగా అవతరించిన బీజేపీకి వైఎస్ జగన్ అభినందనలు తెలియజేశారు. అలాగే ఇతర రాష్ట్రాలలో కూడా విజయం సాధించిన పార్టీలకు వైఎస్ జగన్ అభినందనలు తెలియజేశారు.

Read more news like this on telugu.timesnownews.com