తమిళనాడు రాజకీయాల్లో టీవీకే అధినేత విజయ్ ప్రభంజనం సృష్టిస్తున్న సంగతి తెలిసిందే. టీవీకే పార్టీ అధికారాన్ని ఏర్పాటు చేసే దిశగా అడుగులు వేస్తున్న సంగతి తెలిసిందే.

పార్టీని స్థాపించిన రెండేళ్ల రెండె నెలల వ్యవధిలోనే టీవీకే పార్టీ అధికారార పీఠాన్ని అధిరోహించనున్న సంగతి తెలిసిందే. తమిళనాడు ఎన్నికల ఫలితాల్లో అతిపెద్ద పార్టీగా అవతరించిన టీవీకే పార్టీకి పలువురు అభినందనలు తెలియజేస్తున్న సంగతి తెలిసిందే. ఇదే క్రమంలో హీరో విజయ్‌ను అగ్రనటుడు, హిందూపురం ఎమ్మెల్యే నందమూరి బాలకృష్ణ అభినందించారు.ఒక నటుడు తలచుకుంటే చరిత్రను తిరగరాయగలడని తమిళనాట MGR, తెలుగునాట మా నాన్న, తెలుగుజాతి అన్న నందమూరి తారకరామారావు నిరూపించారు అని నందమూరి బాలకృష్ణ చెప్పుకొచ్చారు.

టీవీకే పార్టీకి నందమూరి బాలకృష్ణ అభినందనలు
టీవీకే పార్టీ అధినేత విజయ్‌కు టీడీపీ పొలిట్ బ్యూరో సభ్యులు, హిందూపురం ఎమ్మెల్యే నందమూరి బాలకృష్ణలు అభినందనలు తెలియజేశారు. తమిళనాడులో అతిపెద్ద పార్టీగా అవతరిస్తున్న తరుణంలో టీవీకే పార్టీకి శుభాకాంక్షలు తెలియజేశారు. ఈ సందర్భగా ఎక్స్ వేదికగా ఒక ప్రకటన విడుదల చేశారు. ఒక నటుడు తలచుకుంటే చరిత్రను తిరగరాయగలడని తమిళనాట MGR, తెలుగునాట మా నాన్న, తెలుగుజాతి అన్న నందమూరి తారకరామారావు నిరూపించారు అని నందమూరి బాలకృష్ణ చెప్పుకొచ్చారు. మళ్లీ ఆ ప్రభంజనాన్ని స్ఫురణకి తెచ్చిన సోదరుడు విజయ్‌ని అభినందిస్తూ...తమిళ ప్రజలు తనపై పెట్టుకున్న ఆశలు నెరవేర్చటమే ఆశయంగా సాగాలని అభిలషించారు. మరోవైపు పశ్చిమ బెంగాల్, అసోం, పుదుచ్చేరి లలో విజయం సాధించిన బీజేపీ, ఎన్డీయే కూటమి పార్టీలకు శుభాకాంక్షలు తెలియజేశారు. ప్రధాని నరేంద్రమోడీ, హోంశాఖ మంత్రి అమిత్ షాల సారధ్యంలోనే నూతన భారత నిర్మాణం సాధ్యమంటూ నందమూరి బాలకృష్ణ ని విజయాభినందనలు తెలియజేశారు.

రెండు చోట్ల టీవీకే చీఫ్ విజయం
టీవీకే అధినేత, హీరో విజయ్ స్థాపించిన టీవీకే పార్టీ తమిళనాడు రాజకీయాల్లో సంచలనం సృష్టిస్తున్న సంగతి తెలిసిందే. సింగిల్‌గా పోటీ చేసిన విజయ్ ఈ ఎన్నికల ఫలితాల్లో అతిపెద్ద పార్టీగా అవతరించిన సంగతి తెలిసిందే. ఇదే సమయంలో టీవీకే అధినేత, హీరో విజయ్ పోటీ చేసిన రెండు స్థానాల్లో ఘన విజయం సాధించారు. తిరుచ్చి ఈస్ట్ నియోజకవర్గం, పెరంబూర్ అసెంబ్లీ నియోజకవర్గాల నుంచి హీరో విజయ్ పోటీ చేశారు. ఈ రెండు నియోజకవర్గాల్లో కూడా టీవీకే అధినేత విజయ్ ఘన విజయం సాధించారు. తొలుత తిరుచ్చి ఈస్ట్ నియోజకవర్గంలో వెనుకంజలో ఉన్న విజయ్ అనూహ్యంగా ఆధిక్యంలోకి వచ్చేశారు.ఈ ఫలితాలు దేశ రాజకీయాల్లో సంచలనంగా మారాయి.

ఏదో ఒక నియోజకవర్గం నుంచి రిజైన్ చేయాల్సిందే
ఇదిలా ఉంటే విజయ్ రెండు స్థానాల్లో పోటీ చేసి గెలుపొందిన నేపథ్యంలో ఏదోఒక అసెంబ్లీ నియోజకవర్గానికి రాజీనామా చేయాల్సిన పరిస్థితి నెలకొంది. అటు తిరుచ్చి ఈస్ట్ లేదా పెరంబూర్ అసెంబ్లీ నియోజకవర్గాల్లో ఏదో ఒక అసెంబ్లీ నియోజకవర్గానికి పోటీ చేసి ఉప ఎన్నికలకు వెళ్లాల్సి ఉంది. మరో 6 నెలల వ్యవధిలో విజయ్ ఒక నియోజకవర్గానికి రాజీనామా చేసి తమ పార్టీ అభ్యర్థిని బరిలోకి దించి గెలుపొందాల్సిన అవసరం ఉంది. అయితే తిరుచ్చి ఈస్ట్ అసెంబ్లీ నియోజకవర్గానికి రాజీనామా చేస్తారా? లేక పెరంబూర్ అసెంబ్లీ నియోజకవర్గానికి రాజీనామా చేస్తారా? అనేది తెలియాల్సి ఉంది.

సీఎం స్టాలిన్ ఓటమి
తమిళనాడు రాష్ట్ర రాజకీయాల్లో సంచలనం జరిగింది. అసెంబ్లీ ఎన్నికల్లో భాగంగా కొళత్తూరు నియోజకవర్గం నుంచి బరిలోకి దిగిన తమిళనాడు ముఖ్యమంత్రి, డీఎంకే అధినేత ఎంకే స్టాలిన్ ఓటమి పాలయ్యారు. స్టాలిన్ సమీప ప్రత్యర్థి TVK అభ్యర్థి వీఎస్ బాబు చేతిలో పరాజయం పాలయ్యారు. ఐదేళ్ళు ముఖ్యమంత్రిగా పనిచేసిన డీఎంకే అధినేత స్టాలిన్ ఈసారి కూడా అధికారంలోకి రావడం ఖాయం అని భావించింది. అన్ని సర్వేలు కూడా మరోసారి డీఎంకేదే అధికారం అని చెప్పింది.ఇలాంటి తరుణంలో డీఎంకే పార్టీ ఘోరంగా ఓటమిపాలవ్వడమే కాదు ఆ పార్టీ అధినేత, సీఎం స్టాలిన్ ఓడిపోవడం దేశ రాజకీయాల్లోనే సంచలనంగా మారింది.

Read more news like this on telugu.timesnownews.com