పెట్రోల్, డీజిల్ ధరలు పెరిగాయి. లీటర్ పెట్రోల్, డీజీల్‌పై రూ.3 పెంచుతూ నిర్ణయం తీసుకున్నారు. మే 15, 2026 ఉదయం 6 గంటల నుండే ఈ కొత్త రేట్లు అమల్లోకి వచ్చాయి.

పశ్చిమాసియాలో సంఘర్షణల కారణంగా చమురు సరఫరాలో తీవ్ర అంతరాయం ఏర్పడింది. దీంతో ప్రపంచవ్యాప్తంగా వివిధ దేశాలు ఇంధన కొరతను ఎదుర్కొంటున్నాయి. చమురు కొరతను అధిగమించేందుకు ఇప్పటికే పలు దేశాలు ప్రత్యేక చర్యలు చేపడుతున్నాయి. తాజాగా భారతదేశంలో కూడా ఇంధన ధరల పెరిగాయి. ఈ నేపథ్యంలో ఎక్కువ మైలేజీని ఇచ్చే 5 బెస్ట్ కార్ల గురించి తెలుసుకుందాం!

పెట్రోల్, డీజిల్ ధరలు పెరిగిన నేపథ్యంలో ఎక్కువ మైలేజీని అందించే వాహనాలను ఉపయోగించడం ద్వారా ఇంధన ధరల పెంపు ప్రభావాన్ని తగ్గించుకోవచ్చు. కాబట్టి ARAI ప్రకారం, అత్యధిక మైలేజీ ఇచ్చే టాప్ 5 కార్లు ఇవే..

మారుతి సుజుకి విక్టోరిస్ ( Maruti Suzuki Victoris )

మారుతి సుజుకి విక్టోరిస్...కొత్త మిడ్ సైజ్ SUV. ఈ కార్ గ్లోబల్ C ప్లాట్‌ఫామ్‌పై రూపొందించబడింది. LED లైటింగ్, CNG టెక్నాలజీ, స్మార్ట్ తో పాటు స్ట్రాంగ్ హైబ్రిడ్ వేరియంట్లు ఉన్నాయి. పెట్రోల్-హైబ్రిడ్ పవర్‌ట్రెయిన్‌తో పనిచేసే ఈ మోడల్ కారు, ARAI ప్రకారం ఇది లీటరుకు 28.65 కిలోమీటర్ల వరకు మైలేజీని ఇస్తుంది. మారుతి సుజుకి విక్టోరిస్ ఎక్స్-షోరూమ్ ధర రూ. 16.38 లక్షల నుండి రూ. 19.99 లక్షల వరకు ఉంది.

టయోటా అర్బన్ క్రూయిజర్ హైరైడర్ ( Toyota Urban Cruiser Hyryder )

ఇండియాలో అత్యంత ఇంధన సామర్థ్యం కలిగిన కార్లలో టయోటా అర్బన్ క్రూయిజర్ హైరైడర్ ఒకటి. ఇది కూడా హైరైడర్ కూడా పెట్రోల్-హైబ్రిడ్ సెటప్‌తో అందుబగాటులో ఉంది. ARAI క్లెయిమ్ చేసిన మైలేజ్ 27.97 కి.మీ/లీ. ఈ మోడల్ కారు ఎక్స్-షోరూమ్ ధర రూ. 16.72 లక్షల నుండి రూ. 20.19 లక్షల వరకు ఉంది.

హోండా సిటీ eHEV ( Honda City eHEV )

ఇండియాలో చాలా మంది ఇష్టపడే సెడాన్ కార్లలో ఇది ఒకటి. హోండా సిటీ eHEVను ఇండియాలో ఎక్కువ మైలేజీ ఇచ్చే కార్లలో ఒకటిగా పరిగణిస్తారు. సిటీ eHEV, ARAI ప్రకారం లీటరుకు 27.26 కిలోమీటర్ల వరకు మైలేజీని ఇస్తుంది. దీని ఎక్స్ షోర్ ధర రూ.20 లక్షల వరకు ఉంటుంది.

మారుతి సుజుకి సెలెరియో (Maruti Suzuki Celerio )

ఇండియాలో ఎక్కువ మైలేజీ ఇచ్చే కార్లలో సెలెరియో ఒకటి. ఇది మారుతి కార్లలో హ్యాచ్‌బ్యాక్ మోడల్. ARAI ప్రకారం లీటరుకు ఈ కారు 26 కిలోమీటర్ల వరకు మైలేజీ ఇస్తుంది. ఎక్స్-షోరూమ్ ధర రూ. 5.61 లక్షల నుండి 6. 6.73 లక్షల వరకు ఉంది.