సమ్మర్ లో ఉష్ణోగ్రతలు పెరుగుతున్న కొద్దీ ఇంట్లో చల్లదనం కోసంబుడ్జెట్ బట్టి వివిధ రకాల ప్రయత్నాలు చేస్తూ ఉంటాం. మార్కెట్లో చల్లదనము అందించే పరికరాలు చాల ఉన్నపటికీ ప్రధానంగా డిమాండ్ కలిగి ఉన్నవి split AC, window AC. ఈ రెండిటి పని గదిని చల్లబరచడం.

కానీ వీటి డిజైన్ , ఇన్స్టాలేషన్ , బడ్జెట్ , శబ్దం, విద్యుత్ వినియోగం వంటి అంశాల్లో విభిన్నముగా ఉంటాయి ఉంటుంది. window AC ఒకే యూనిట్‌గా ఉంటూ విండోలో సులభంగా ఇన్‌స్టాల్ చేయవచ్చు, ధర తక్కువగా ఉంటుంది. split AC రెండు యూనిట్లతో ఉంటుంది .ఒకటి గదిలో, మరొకటి బయట ఇన్స్టాలేషన్ చేసే విధంగా ఉంటుంది.దీని డిజైన్ లేటెస్ట్ టక్నాలాజీతో ఉంటుంది.వినియోగదారులు తమ అవసరాలు, బడ్జెట్, రూమ్ సైజు వంటి అంశాలను పరిగణనలోకి తీసుకుని ఈ రెండు మోడళ్ల మీకు ఏది బెస్ట్ అనేది ఎంచుకోవాలి.స్ప్లిట్ AC VS విండో ACలో ధరలు ,కూలింగ్ పెర్ఫార్మన్స్ , విద్యుత్ ఆదా లలో ఏది బెస్ట్ చూద్దాం
రెండింటి మధ్య తేడా ఏమిటి ?
విండో AC: వీటిలో మొదట కనిపించే తేడా డిజైన్, ఇన్స్టాలేషన్ లో ఉంటుంది. విండో AC ఒకే యూనిట్‌గా రూపొందించబడి ఉంటుంది . ఇందులో కంప్రెసర్, ఫ్యాన్, ఇతర భాగాలు అన్నీ ఒకే బాక్స్ టైపు బాడీలో ఉంటాయి. కామన్ గా ఇది విండో లో ఫిట్ చేస్తారు. ఒకవేళ అలాంటి అవకాశం లేకపోతె గోడలో ప్రత్యేకంగా రంధ్రం చేసి అమర్చుతారు.అంత ఒకే యూనిట్ గా ఉండడం రూమ్ లో శబ్దం క్రియేట్ చేసే అవకాశం ఉంది.

స్ప్లిట్ AC: ఇది రెండు వేర్వేరు యూనిట్లతో ఉంటుంది. ఒకటి గదిలో అమర్చే ఇండోర్ యూనిట్.ఇంకొకటి బయట అమర్చే ఔట్‌డోర్ యూనిట్. గదిలోని యూనిట్ గోడపై ఫిట్ చేస్తారు .ఇది చల్లని గాలిని నేరుగా గదిలోకి పంపిస్తుంది. శబ్దం ఎక్కువగా చేసే కంప్రెసర్ మాత్రం ఔట్‌డోర్ యూనిట్‌లో ఉంటుంది . ఈ విధంగా మెయిన్ మెషిన్ బయట ఉండటం వల్ల గదిలో శబ్దం చాలా తక్కువగా ఉంటుంది. స్ప్లిట్ ACలు సైలిష్ డిజైన్ , స్లీక్‌గా, ఆధునికంగా ఉంటుంది .
కూలింగ్ పెర్ఫార్మన్స్
విండో AC: ఇది చిన్న గదులు , లిమిటెడ్ ప్లేస్ లలో అనుకూలంగా ఉంటుంది. ఇది గదిని చల్లబరచడంలో బాగా పనిచేస్తుంది. దీని గాలి వ్యాప్తి పరిమితంగా ఉండటం వల్ల రూమ్ మొత్తం సమానంగా చేరదు. ఎత్తైన సీలింగ్ ఉన్న లివింగ్ రూమ్‌లలో విండో AC మొత్తం గదిని సమానంగా చల్లబరచడం సాధ్యం కాకపోవచ్చు. దీనిని తీసి మల్లి ఇన్స్టాల్ చేసుకోవడం చాల సులభం.తరుచు ఇల్లు మార్చే వారికి ఇది అనుకూలంగా ఉంటుంది.
స్ప్లిట్AC: దీనిని పెద్ద రూమ్ లలో అన్ని మూలలకూ గాలి చేరేలా రూపొందించారు. ఇది గోడపై ఎత్తైన ప్రదేశంలో ఫిట్ చేయడం వలన గది మొత్తం సమానంగా చల్లబడుతుంది. విండో అవసరం లేకుండా అనువైన చోట ఫిట్ చేసుకోవచ్చు .దీని డిజైన్,వినియోగంలో సులభంగాఉంటూ గదిని సమర్థవంతంగా చల్ల బరుస్తుంది .

విద్యుత్ వినియోగం
విండో ACలు: వీటి కెపాసిటీ తక్కువగా ఉండడం వలన ఎక్కువ విద్యుత్ వినియోగిస్తాయి. సాంకేతికత అభివృద్ధి చెందినా విండో ACలో స్ప్లిట్ ACలలో ఉన్న ఆధునిక ఎనర్జీ-సేవింగ్ టెక్నాలజీలు ఉండవు . మీరు రోజు లిమిటెడ్ గా AC ఉపయోగించాలని అనుకుంటే ఇవి బెస్ట్. లాంగ్ రన్ లో స్ప్లిట్ AC విండో ACతో పోలిస్తే ఖర్చు పరంగా బెస్ట్ గా ఉంటుంది.
స్ప్లిట్ AC: ఇది విద్యుత్ ని తక్కువగా వినియోగిస్తుంది. దీని ప్రత్యేకత ఏమిటంటే అవసరమైన ఉష్ణోగ్రతను మైంటైన్ చేయడానికి కంప్రెసర్‌ను పదేపదే ఆన్‌-ఆఫ్ చేయకుండా స్పీడ్ ని నియంత్రిస్తుంది . ఈ విధానం వల్ల విద్యుత్ వినియోగం తగ్గుతుంది .దీని కూలింగ్ పెర్ఫార్మన్స్ కూడా బాగుంటుంది. లాంగ్ రన్ లో విద్యుత్ బిల్లులపై మంచి ఆదా అవుతుంది .
ధరలు
విండో AC: ఇవి స్ప్లిట్ ACతో పోలిస్తే తక్కువ ధరలో లభిస్తాయి. ఇవి బడ్జెట్ ఆలోచించే వారికి ఇవి అనుకూలంగా ఉంటాయి. ఒక 1.5 టన్నుల విండో ఎయిర్ కండిషనర్ సుమారు ₹25,000 నుంచి ₹35,000 వరకు ఉన్నాయి . దీని ఇన్‌స్టాలేషన్ ఖర్చు కూడా సుమారు ₹500 నుంచి ₹1,500 వరకు ఉంటాయి. విండో ACలు ప్రారంభ ఖర్చు , నిర్వహణ పరంగా వినియోగదారులకు బెస్ట్ ఎంపికగా నిలుస్తాయి.
స్ప్లిట్ AC: ఇవి ధర పరంగా ఎక్కువగా ఉంటాయి. 1.5 టన్నుల స్ప్లిట్ ఎయిర్ కండిషనర్ ధర సుమారు ₹30,000 నుంచి మోడల్ ను బట్టి ప్రారంభ మవుతాయి . హై-ఎండ్ స్ప్లిట్ AC మోడళ్లు సుమారు ₹60,000 వరకు ఉండవచ్చు . ఈ ACల ఇన్‌స్టాలేషన్ , నిర్వహణ ఖర్చులు 2,500 నుంచి ₹3,000 వరకు డిమాండ్ బట్టి ఉంటాయి . వీటిలో ఆధునిక ఫీచర్స్ ఉన్నపటికీ కొనుగోలు ధర , నిర్వహణ పరంగా విండో ACలతో పోలిస్తే ఖరీదైనవి గా ఉంటాయి.ఇవి లాంగ్ రన్ లో లాభదాయకం గా ఉంటాయి.

Read more news like this on telugu.timesnownews.com