నటుడు, టీవీకే పార్టీ అధినేత విజయ్ తమిళనాడు ఎన్నికల ఫలితాల్లో ఆధిక్యంలో ఉన్నారు. ఎన్నికల సందర్భంగా అఫిడవిట్‌లో ఆస్తుల వివరాలను ప్రకటించారు. రూ.600 కోట్ల ఆస్తులు ఉన్నట్లుగా వెల్లడించారు.

తమిళగ వెట్రి కజగం (TVK) అధినేత విజయ్, పెరంబూర్ , ట్రిచి ఈస్ట్ నియోజకవర్గాల నుంచి ఎన్నికల్లో పోటీ చేశారు.

టీవీకే పార్టీ తొలిసారిగా ఎన్నికల బరిలోకి దిగింది. ఎలక్షన్ అఫిడవిట్ ప్రకారం, విజయ్ మొత్తం నికర ఆస్తి విలువ రూ. 624 కోట్లుగా ఉంది. ఇందులో రూ.404 కోట్ల విలువైన చరాస్తులు, రూ.220 కోట్ల విలువైన స్థిరాస్థులు ఉన్నట్లు ప్రకటించారు. అతని భార్య సంగీత పేరుమీద రూ. 15.76 కోట్ల ఆస్తులు ఉన్నట్లు పేర్కొన్నారు. ఈ అఫిడవిట్‌లో విజయ్ తన ఆస్తుల గురించిన పూర్తి సమాచారాన్ని వెల్లడించారు. విజయ్ చరాస్తుల విలువ మాత్రమే రూ. 404,58,57,196గా ఉంది. వీటిలో పలు బ్యాంకు డిపాజిట్లు, ఫిక్స్‌డ్ డిపాజిట్లు, పెట్టుబడులు , కుటుంబ సభ్యులకు ఇచ్చిన లోన్స్ ఉన్నాయి. వీటిలో ఎక్కువగా ఇండియన్ ఓవర్సిస్ బ్యాంకులో, ప్రత్యేకించి సాలిగ్రామం అకౌంట్‌లో రూ.213,36,15,943 డిపాజిట్స్ ఉన్నాయి. దీనితో పాటు యాక్సిస్ బ్యాంక్, హెచ్‌డిఎఫ్‌సి బ్యాంక్ , స్టేట్ బ్యాంక్ ఆఫ్ ఇండియా వంటి బ్యాంకులలో ఫిక్స్‌డ్ డిపాజిట్లు కూడా ఉన్నాయి.

ఇన్వెస్ట్‌మెంట్ పోర్ట్‌ఫోలియోలో జయ నగర్ ప్రాపర్టీ ప్రైవేట్ లిమిటెడ్, ఇండియన్ ఓవర్సీస్ బ్యాంక్, సన్ పేపర్ మిల్ లిమిటెడ్ వంటి కంపెనీల షేర్లు ఉన్నాయి. సంగీత విజయ్, జాసన్ సంజయ్, దివ్య సాషా వంటి కుటుంబ సభ్యులకు ఇచ్చిన డబ్బుతో సహా లోన్స్ , అడ్వాన్సుల వివరాలు కూడా అఫిడవిట్‌లో పేర్కొన్నారు. లైఫ్ అసెట్స్ విషయానికి వస్తే, విజయ్ వద్ద BMW 530, BMW i7, టోయోటా లెక్సస్ 350, టొటోయా వెల్‌ఫైర్, మారుతి స్విఫ్ట్ వంటి కార్లు ఉన్నాయి. దీనితో పాటు 88 గ్రాముల బంగారం, వెండి ఆభరణాలు ఉన్నాయి.

ప్రాపర్టీలు, రియల్ ఎస్టేట్ ఆస్తులు
విజయ్ స్థిరాస్తుల విలువ రూ.220,15,62,010గా ఉంది. ఇందులో వ్యవసాయ భూమి, కమర్షియల్ ప్రాపర్టీ, తమిళనాడులో రెసిడెన్షియల్ రియల్ ఎస్టేట్ వంటివి ఉన్నాయి. కొడైకనాల్ సమీపంలోని వట్టపట్టి గ్రామంలో వ్యవసాయ భూమితో పాటు, పోరూర్, సాలిగ్రామం , నీలన్‌కరై వంటి ప్రాంతాలలో నాన్ అగ్రికల్చర్ ల్యాండ్ కూడా ఉంది. చెన్నైలోని పరివక్కం, త్యాగరాయ నగర్, షోలింగనల్లూర్ , కొప్పూర్ వంటి ప్రదేశాలలో కమర్షియల్ ప్రాపర్టీలు ఉన్నాయి. నీలన్‌కరై, సాలిగ్రామం, మైలాపూర్ , ఎగ్మోర్ వంటి ప్రధాన ప్రాంతాలతో సహా ఇతర ప్రాంతాల్లో రెసెడెన్షియల్ ప్రాపర్టీస్ ఉన్నాయి.

విజయ్ ఎన్నికల అఫిడవిట్‌లో తనకు ఎలాంటి అప్పులు లేవని, ఆర్థిక సంస్థలకు ఎలాంటి బకాయి రుణాలు లేదా బాకీలు లేవని ప్రకటించారు. 2024-25 ఆర్థిక సంవత్సరానికి,తన ఐటీఆర్‌ ఫైలింగ్‌లో మొత్తం రూ. 184.53 కోట్ల ఆదాయాన్ని రిపోర్ట్ చేశారు. ఆదాయంలో ఎక్కువ భాగం సెల్ఫ్-ఎంప్లాయ్‌మెంట్, ఆదాయంపై వడ్డీ , ప్రాప్రర్టీ నుండి వచ్చే రెంటల్ ఇన్‌కమ్ ఉన్నాయి.

Read more news like this on telugu.timesnownews.com