తమిళనాడు ఎన్నికల్లో విజయ్ పార్టీ TVK ఘన విజయం సాధించడంతో ఆయనకు అభినందనలు వెల్లువెత్తుతున్నాయి. తాజాగా తమిళ సూపర్ స్టార్ రజనీకాంత్ విజయ్ కు సోషల్ మీడియా వేదికగా శుభాకాంక్షలు తెలిపారు.
ఎన్నికల ముందు TVK పార్టీ జనరల్ సెక్రటరీ ఆదవ్ అర్జున్ తమ నాయకుడు విజయ్ తో పోలుస్తూ రజనీకాంత్ పై విమర్శలు చేయటం, దానిపై ఆయన స్పందించడం తెలిసిందే. ఆ వివాదం నేపథ్యంలో ఇప్పుడు రజనీ విజయ్ కు శుభాకాంక్షలు తెలపడం విశేషం.
రజనీ ఎన్నికల్లో విజయ్ ఘన విజయాన్ని ఉద్దేశించి ట్వీట్ చేస్తూ 'ఇటీవల ముగిసిన తమిళనాడు శాసనసభ ఎన్నికలలో ఘన విజయం సాధించిన తమిళగ వెట్రి కళగం అధ్యక్షుడు తిరు విజయ్ గారికి, మరియు ఆయన పార్టీ సభ్యులకు నా అభినందనలు అంటూ పోస్ట్ చేసారు.''
దీనిపై రజనీ ఫ్యాన్స్, దళపతి ఫ్యాన్స్ రకరకాలుగా స్పందిస్తున్నారు. రజనీకాంత్ విజయ్ కు శుభాకాంక్షలు చెప్పి తన హుందాతనాన్ని చాటుకున్నారని రజనీ ఫ్యాన్స్ కామెంట్ చేస్తుంటే, అటు విజయ్ ఫ్యాన్స్, TVK పార్టీ కార్యకర్తలు మాత్రం టైం గట్టిగా రజనీకి గట్టిగా ఆన్సర్ చెప్పిందంటూ కామెంట్లతో ట్రోల్ చేస్తున్నారు.
ఎన్నికలకు ముందు DMK బెదిరింపుల వల్లే రజనీకాంత్ రాజకీయాల్లోకి రాలేదంటూ అప్పట్లో ఆదవ్ అర్జున్ కామెంట్ చేయటంతో పెద్ద వివాదం చెలరేగింది. దీనిపై స్పందించిన రజనీకాంత్ ఆ ఆరోపణలు నిజం కాదనీ, టైం మాట్లాడకపోవచ్చు కానీ, సరైన సమయంలో అన్నిటికీ సమాధానం ఇస్తుందని కామెంట్ చేసారు. అప్పట్లో రజనీకాంత్ ఫ్యాన్స్ కూడా TVK పార్టీ మీద విజయ్ మీద ఆగ్రహాన్ని వ్యక్తం చేసారు. కట్ చేస్తే ఇప్పుడు రజనీ చెప్పిన టైం వచ్చిందనీ, కాలం రజనీకాంత్ కు గట్టి సమాధానమే చెప్పిందంటూ విజయ్ ఫ్యాన్స్ సెటైర్లు వేస్తున్నారు.
ఇక తమిళనాడు ఎన్నికల్లో 108 స్థానాల్లో ఘనవిజయంతో విజయ్ TVK పార్టీ అతి పెద్ద పార్టీగా అవతరించింది. అయితే ప్రభుత్వాన్ని ఏర్పాటు చేయటానికి కావలిసిన మేజిక్ ఫిగర్ కు ఇంకో పదిమంది ఎమ్మెల్యే ల మద్దతు అవసరముంది. ఇప్పుడు విజయ్ ఈ మద్దతు కోసం ఎవరి సహకారం తీసుకుంటారనే విషయంలో ఆసక్తి నెలకొంది.
Vishwambhara: జూలైలో చిరంజీవి విశ్వంభర విడుదల... వార్తల్లో నిజమెంత?
Read more news like this on telugu.timesnownews.com