చిన్నతనం నుంచి మేనకోడలిని కంటికి రెప్పలా కాపాడుకుంది. కొడుకుతోపాటు సమానంగా సాకింది. అయితే కొడుకు తన మగబుద్ధి చూపించాడు. బాలికకు మాయమాటలు చెప్పి లొంగదీసుకున్నాడు. అవకాశం దొరికినప్పుడల్లా బాలికతో శారీరకంగా కలిసేవాడు. అయితే బాలిక గర్భం దాల్చడంతో మేనత్త నిలదీసింది. అయితే ఆ ఘనకార్యం చేసింది తన రక్తంపంచుకు పుట్టిన కొడుకే అని తెలిసి నిర్ఘాంతపోయింది. అయినప్పటికీ తన మేనకోడలికి అన్యాయం చేసినందుకు కొడుకు పై పోలీసులకు ఫిర్యాదు చేసింది.

కొడుకుపై కన్నతల్లి ఫిర్యాదు
ఉత్తరప్రదేశ్‌లోని మహారాజ్‌గంజ్ జిల్లాలో ఒక తల్లి తన కన్న కొడుకుపైనే పోలీసులకు ఫిర్యాదు చేసింది.ఈ ఘటన ఉత్తరప్రదేశ్ వ్యాప్తంగా సంచలనంగా మారింది. మేనకోడలిపై తన కొడుకు అత్యాచారానికి పాల్పడటంతోపాటు మైనర్ అయిన ఆమెను గర్భవతిని చేయడంతో కొడుకుపై పోలీసులకు ఫిర్యాదు చేసింది. పోలీసులు తెలిపిన వివరాల ప్రకారం భితౌలీ పోలీస్ స్టేషన్ పరిధిలోని ఓ గ్రామంలో ఈ ఘటన చోటుచేసుకుంది. బాధితురాలు చిన్నతనంలోనే తల్లిని కోల్పోయింది. తండ్రికి చెడు అలవాట్లు ఉండటంతో....బాగోగులు చూసేవారు లేక తన మేనత్త (నిందితుడి తల్లి) ఇంట్లోనే ఉంటూ పెరిగింది.అయితే ఇదే అదనుగా భావించిన ఆమె కుమారుడు, బాలికను మాయమాటలతో లోబర్చుకుని శారీరక సంబంధం పెట్టుకున్నాడు. ఈ క్రమంలో బాలిక గర్భం దాల్చింది.

మేనకోడలి కోసం పోలీసులను ఆశ్రయించిన తల్లి
అయితే బాలిక శరీరంలో మార్పులు రావడం మేనత్త గమనించింది. అందులోనూ ఆమె నీరసంగా ఉండటంతో మేనత్తకు డౌట్ వచ్చింది. బాలికను గట్టిగా నిలదీసింది. దీంతో బాధితురాలు భయపడుతూనే జరిగిన దారుణాన్ని తన అత్తకు వివరించింది. మేనకోడలికి జరిగిన అన్యాయం తెలుసుకుని ఆ మహిళ ఒక్కసారిగా షాక్‌కు గురైంది. తన కొడుకు జరిగిన తప్పును తట్టుకోలేకపోయింది. మేనకోడలికి న్యాయం జరగాలనిభావించింది. ఈ క్రమంలో కన్నకొడుకు అని కూడా చూడలేదు.పోలీసులకు ఫిర్యాదు చేసింది. బాధితురాలు, ఆమె మేనత్త ఫిర్యాదుతో నిందితుడిపై పోలీసులు కేసు నమోదు చేశారు.అయితే పరారీలో ఉన్న నిందితుడి కోసం పోలీసులు గాలిస్తున్నారు.

Read more news like this on telugu.timesnownews.com