ఈ రోజుల్లో చర్మ సౌందర్యం కోసం, తెల్లగా మెరిసిపోవడం కోసం రకరకాల బ్యూటీ ట్రీట్మెంట్లు చేయించుకోవడం ఒక ట్రెండ్గా మారింది. అయితే, ఇలాంటి వారి కోసం కేంద్ర ప్రభుత్వం ఒక షాకింగ్ నిర్ణయం తీసుకుంది.
ఇంజెక్షన్ల ద్వారా శరీరంలోకి రసాయనాలను పంపి చేసే కాస్మొటిక్ ట్రీట్మెంట్లపై కేంద్రం పూర్తిగా నిషేధం విధించింది. అందం కోసం ఇంజెక్షన్లు వాడటం చట్టవిరుద్ధమని స్పష్టం చేస్తూ బ్యూటీ క్లినిక్లకు గట్టి వార్నింగ్ ఇచ్చింది.
నిషేధానికి అసలు కారణం ఏంటి?:
ఇంజెక్షన్ల ద్వారా ఇచ్చే కాస్మొటిక్ ఉత్పత్తులు అంటే ఇంజెక్టబుల్ కాస్మొటిక్స్ చర్మానికి మంచి చేస్తాయని లేదా సురక్షితమని ఎలాంటి శాస్త్రీయ ఆధారాలు లేవు. ఇక ఇవి నిజంగా విజయవంతం అయినట్లు ఎక్కడా నిరూపితం కాలేదని కేంద్రం పేర్కొంది. కేవలం వ్యాపార లాభాల కోసం, ఎలాంటి గ్యారెంటీ లేని కెమికల్ ఇంజెక్షన్లను ప్రజలకు ఇస్తూ వారి ఆరోగ్యంతో ఆడుకుంటున్నారని ప్రభుత్వం ఈ నిర్ణయం తీసుకుంది.
బ్యూటీ క్లినిక్లకు కేంద్రం వార్నింగ్:
చర్మ సౌందర్యాన్ని పెంచుతామంటూ ఇకపై బ్యూటీ క్లినిక్లలో ఎలాంటి ఇంజెక్షన్లు ఇచ్చినా కఠిన చర్యలు తప్పవని కేంద్రం హెచ్చరించింది. ఇక నిబంధనలను ఉల్లంఘించి దొంగచాటుగా ఈ ట్రీట్మెంట్లు ఇస్తే సదరు క్లినిక్ల లైసెన్సులను రద్దు చేయడంతో పాటు భారీ జరిమానాలు కూడా విధిస్తామని స్పష్టం చేసింది.
ప్రకటనలు ఇస్తే జైలు శిక్షే:
ఈ నిషేధంలో మరో కీలకమైన పాయింట్ ఉంది. ఇంజెక్షన్ల ద్వారా రంగు మారుస్తామని లేదా ముడతలు తగ్గిస్తామని టీవీల్లో, సోషల్ మీడియాలో ఎలాంటి ప్రకటనలు ఇచ్చినా అది నేరంగా పరిగణించబడుతుంది. ఇక ఇలాంటి తప్పుదారి పట్టించే యాడ్స్ ఇస్తే ఏకంగా జైలు శిక్ష పడుతుందని కేంద్ర ప్రభుత్వం గట్టిగా రూల్స్ పాస్ చేసింది.
ప్రజల ఆరోగ్యమే ముఖ్యం:
ఇలాంటి ఇంజెక్షన్ల వల్ల తాత్కాలికంగా రిజల్ట్స్ కనిపించినా, భవిష్యత్తులో చర్మ క్యాన్సర్ లాంటి భయంకరమైన సైడ్ ఎఫెక్ట్స్ వచ్చే అవకాశం ఉందని నిపుణులు చెబుతున్నారు. ఇక అందుకే కేంద్రం తీసుకున్న ఈ నిర్ణయం వల్ల సెలబ్రిటీల నుంచి సామాన్యుల వరకు అందరి ఆరోగ్యానికి రక్షణ దొరికినట్లయింది.
కృత్రిమ పద్ధతుల్లో ఇంజెక్షన్లు గుచ్చుకుని అందాన్ని పెంచుకోవాలనుకోవడం ఎంత ప్రమాదకరమో కేంద్రం తీసుకున్న ఈ నిర్ణయంతో అర్థమవుతోంది. ఇకపై తెల్లబడటం కోసం క్లినిక్ల చుట్టూ తిరిగి డబ్బులు తగలేయడం కంటే, సహజమైన పద్ధతుల్లో ఆరోగ్యాన్ని చర్మాన్ని కాపాడుకోవడం ఉత్తమం అంటున్నారు నిపుణులు.