బాలీవుడ్లో హీరోయిన్ల కెరీర్ విషయంలో ఒకప్పుడు ఉన్న అంచనాలు ఇప్పుడు క్రమంగా మారుతున్నాయి. ముఖ్యంగా పెళ్లి తర్వాత హీరోయిన్ కెరీర్కు బ్రేక్ పడటం, సినిమాల సంఖ్య తగ్గిపోవడం వంటి పరిస్థితులు సాధారణంగా కనిపించేవి.
అయితే ప్రస్తుతం పరిస్థితులు పూర్తిగా భిన్నంగా మారుతున్నాయి. పర్సనల్ లైఫ్ కు ప్రాధాన్యత ఇస్తూనే.. తమకు నచ్చిన కథలు, పాత్రలతో తిరిగి ప్రేక్షకుల ముందుకు రావడానికి పలువురు హీరోయిన్లు ఆసక్తి చూపిస్తున్నారు. ఈ మారుతున్న ట్రెండ్లో కత్రినా కైఫ్ కమ్బ్యాక్ కూడా ఒక ఇంట్రెస్టింగ్ ఎగ్జాంపుల్గా నిలిచే అవకాశం కనిపిస్తోంది.
విక్కీ కౌశల్ను పెళ్లి చేసుకున్న తర్వాత కొంతకాలం సినిమాలకు దూరంగా ఉన్న కత్రినా.. ఇప్పుడు తన కెరీర్లో తదుపరి దశను ఎలా ప్లాన్ చేసుకోబోతున్నారన్నది ఆసక్తికరంగా మారింది. గతంలో వరుస కమర్షియల్ సినిమాలు, స్టార్ హీరోలతో భారీ ప్రాజెక్టులు చేసిన ఆమె.. ఇకపై అదే ఫార్ములాను కొనసాగిస్తారా? లేక కథ, పాత్రలకు ఎక్కువ ప్రాధాన్యత ఇచ్చే సినిమాల వైపు అడుగులు వేస్తారా? అనేది చర్చనీయాంశంగా మారుతోంది.
ఇక్కడ మరో కీలకమైన అంశం థియేట్రికల్ సినిమాలు. ఇప్పటి వరకు కత్రినా ఇమేజ్ ప్రధానంగా బిగ్ స్క్రీన్ కమర్షియల్ సినిమాలతోనే బలపడింది. అయితే బాలీవుడ్లో ఓటీటీ విస్తరణతో హీరోయిన్లకు అవకాశాల పరిధి కూడా పెరిగింది. భారీ బడ్జెట్ అవసరం లేకుండా స్ట్రాంగ్ క్యరెక్టర్లు, ఎక్స్పెరిమెంటల్ కథలు చేసే అవకాశం ఓటీటీ అందిస్తోంది. అందుకే కత్రినా తన సెకండ్ ఇన్నింగ్స్లో థియేట్రికల్ సినిమాలతో పాటు డిజిటల్ ప్రాజెక్టులను కూడా పరిశీలిస్తే అది ఆమె కెరీర్కు కొత్త దిశను ఇవ్వొచ్చని పలువురు అభిప్రాయపడుతున్నారు. అయితే కత్రినా ఎన్నో ప్రాజెక్టులను పరిశీలించాక తన కంబ్యాక్ ను ఓ ఫ్లాపు సినిమా సీక్వెల్ తో చేయడానికి సిద్ధపడ్డారని తెలుస్తోంది. అదే మా సినిమాకు సీక్వెల్. మా సినిమాకు చాలా నెగిటివ్ టాక్ వచ్చినప్పటికీ, ఇప్పుడు దానికి సీక్వెల్ లో నటించడానికి కత్రినా ఇంట్రెస్ట్ గా ఉందని వార్తలొస్తున్నాయి.
మరోవైపు కత్రినా రీఎంట్రీ ప్రస్తుత తరం హీరోయిన్లకు కూడా పోటీని పెంచే అంశమే. ఇప్పటికే బాలీవుడ్లో ఆలియా భట్, దీపికా పదుకొణె, కియారా అద్వాణీ, కృతి సనన్ వంటి హీరోయిన్లు తమకంటూ ప్రత్యేకమైన మార్కెట్ను ఏర్పరుచుకున్నారు. ఇలాంటి సమయంలో కత్రినా తిరిగి యాక్టివ్ అయితే.. స్టార్ పవర్ మాత్రమే కాకుండా మంచి కథలు, వైవిధ్యమైన పాత్రల కోసం పోటీ మరింత పెరగొచ్చు.
అందుకే కత్రినా కమ్బ్యాక్ను కేవలం మరో సినిమా అనౌన్స్మెంట్గా చూడటం కంటే.. బాలీవుడ్లో హీరోయిన్ల సెకండ్ ఇన్నింగ్స్ ఎలా మారుతోంది అనేదానికి ఒక ఉదాహరణగా చూడాల్సి ఉంటుంది. పెళ్లి, పర్సనల్ లైఫ్, కెరీర్ మధ్య సమతుల్యత సాధిస్తూ.. తమకు నచ్చిన ప్రాజెక్టులను ఎంచుకునే స్వేచ్ఛ పెరుగుతున్న ఈ సమయంలో కత్రినా తీసుకునే నెక్ట్స్ డెసిషన్స్ ఆమె కెరీర్తో పాటు బాలీవుడ్ హీరోయిన్ల ఫ్యూచర్ ట్రెండ్ పైనా ప్రభావం చూపించే అవకాశం ఉంది.