ఘట్టమనేని కుటుంబం నుంచి మరో వారసుడు వెండితెరపై అడుగుపెడుతున్న విషయం తెలిసిందే. సూపర్ స్టార్ కృష్ణ మనవడు, రమేష్ బాబు తనయుడు జయకృష్ణ హీరోగా పరిచయమవుతున్న చిత్రం 'శ్రీనివాస మంగాపురం'.
అజయ్ భూపతి దర్శకత్వంలో రూపొందుతున్న ఈ సినిమాపై మొదటి నుంచీ సినీ వర్గాల్లో ఒక పాజిటివ్ బజ్ అయితే ఉంది. లేటెస్ట్ గా ఈ చిత్రం నుంచి 'మంగ మంగ' అనే లిరికల్ సాంగ్ను విడుదల చేశారు. ఒక కొత్త హీరోని పరిచయం చేసే క్రమంలో ఈ పాట విజువల్ గా చాలా కలర్ఫుల్గా కనిపిస్తోంది.
ముఖ్యంగా ఈ పాటలో జయకృష్ణ తన స్క్రీన్ ప్రెజెన్స్తో అందరినీ ఆశ్చర్యపరిచాడు. మొదటి సినిమానే అయినా ఎక్కడా తడబాటు లేకుండా, చాలా ఈజీగా డ్యాన్స్ మూమెంట్స్ చేశాడు. కృష్ణ గారి ఫ్యామిలీ నుంచి వస్తున్న హీరో కావడంతో సహజంగానే అతని లుక్స్ మీద అందరి ఫోకస్ ఉంటుంది. జయకృష్ణ తన చిరునవ్వుతో, చలాకీతనంతో పక్కా పల్లెటూరి కుర్రాడిలా కనిపిస్తున్నాడు. హీరోయిన్ రాషా తడానితో అతని కెమిస్ట్రీ కూడా స్క్రీన్పై చాలా ఫ్రెష్గా కుదిరింది.
పాట విషయానికి వస్తే, జీవీ ప్రకాష్ కుమార్ అందించిన ట్యూన్ చాలా జోష్గా ఉంది. వినగానే హుషారునిచ్చే ఈ పాటను రేవంత్ తనదైన ఎనర్జీతో పాడారు. కాసర్ల శ్యామ్ రాసిన సాహిత్యం కూడా చాలా మాస్ ఫ్లేవర్లో ఉండటం వల్ల యువతకు ఈజీగా కనెక్ట్ అవుతుంది. తిరుపతి పరిసర ప్రాంతాల్లో షూట్ చేసిన విజువల్స్ పల్లెటూరి వాతావరణాన్ని కళ్లకు కట్టినట్లు చూపిస్తున్నాయి. ఒక డెబ్యూ హీరోని మాస్ ఆడియన్స్కు దగ్గర చేయడానికి ఇలాంటి ఒక హై ఎనర్జీ సాంగ్ కచ్చితంగా ప్లస్ అవుతుంది.
దర్శకుడు అజయ్ భూపతి తన మునుపటి సినిమాల కంటే భిన్నమైన కాన్సెప్ట్ ని ఎంచుకున్నట్లు అర్థమవుతోంది. ఇంటెన్సివ్ యాక్షన్ డ్రామాల కంటే ఒక స్వచ్ఛమైన విలేజ్ లవ్ స్టోరీని తెరకెక్కిస్తున్నట్లు ఈ సాంగ్ చూస్తుంటే తెలుస్తోంది. జయకృష్ణకు ఇది మొదటి సినిమా కాబట్టి, అతని బాడీ లాంగ్వేజ్కు తగ్గట్టుగా దర్శకుడు ఈ క్యారెక్టర్ను డిజైన్ చేసినట్లు కనిపిస్తోంది. కేవలం డ్యాన్స్ మాత్రమే కాకుండా, ఈ సినిమాలో జయకృష్ణ నటనకు స్కోప్ ఉన్న పాత్రనే చేస్తున్నారని టాక్ వినిపిస్తోంది.
టెక్నికల్ పరంగా కూడా సినిమాటోగ్రఫీ కొరియోగ్రఫీ పాట మూడ్ని బాగా ఎలివేట్ చేశాయి. అశ్వనీ దత్ సమర్పణలో వస్తున్న సినిమా కావడంతో మేకింగ్ వాల్యూస్ కూడా చాలా రిచ్గా ఉన్నాయి. ప్రస్తుతం సోషల్ మీడియాలో మాస్ సాంగ్స్ కి ఉన్న క్రేజ్ దృష్ట్యా, ఈ పాట రీల్స్లో కూడా ట్రెండ్ అయ్యే అవకాశం ఉంది. ఒక్క పాటతోనే జయకృష్ణ తన వైపు అందరినీ తిప్పుకోగలిగే అవకాశం ఉంది. మొదటి అడుగు బానే పడింది కాబట్టి, రాబోయే ప్రమోషన్స్ సినిమా రేంజ్ ని మరింత పెంచుతాయని చెప్పొచ్చు.