By - Sathwik |21 May 2026 10:00 AM IST
గుప్తనిధులు కాజేసిన అటవీ అధికారులు... గిద్దలూరు టైగర్ డివిజన్ లో ఘటన
మార్కాపురం జిల్లా గిద్దలూరు టైగర్ ప్రాజెక్టు డివిజన్ పరిధిలో వెలుగులోకి వచ్చిన ఓ ఘటన అటవీశాఖలో కలకలం రేపుతోంది.
గుప్తనిధుల అన్వేషణ, తవ్వకాలు, విలువైన వస్తువుల స్వాధీనం వంటి ఆరోపణలు ఇప్పుడు చర్చనీయాంశంగా మారాయి. ముఖ్యంగా ఈ వ్యవహారంలో అటవీశాఖ అధికారుల పేర్లు వినిపించడం మరింత ఆసక్తికరంగా మారింది. అయితే ఈ ఘటనకు సంబంధించిన సమాచారం ఆలస్యంగా బయటకు రావడం, దాని వెనుక ఉన్న పరిణామాలు ప్రస్తుతం అనేక అనుమానాలకు తావిస్తున్నాయి. అందుబాటులో ఉన్న వివరాల ప్రకారం, తురిమెళ్ల అటవీ క్షేత్ర పరిధిలోని ఆరవీటికోట సెక్షన్లో ఉన్న యర్రగుంట్ల క్షోత్రియం భూముల్లోని బిగినపల్లికుంట ప్రాంతంలో నెల రోజుల క్రితం తవ్వకాలు జరిగినట్లు సమాచారం వెలుగులోకి వచ్చింది. ఈ వ్యవహారంలో సంబంధిత అధికారుల మధ్య ఉన్న పరిచయాలు, అదనపు బాధ్యతల కేటాయింపులు కూడా ఇప్పుడు చర్చకు దారి తీస్తున్నాయి. తురిమెళ్ల అటవీ క్షేత్రాధికారిణితో ఉన్న సాన్నిహిత్యం కారణంగా వెలగలపాయ బీటు అధికారికి ఆరవీటికోట బీటు బాధ్యతలను అదనంగా అప్పగించినట్లు తెలుస్తోంది.
ఈ పరిణామాల మధ్య యర్రగొండపాలెంకు చెందిన ఓ గుప్తనిధుల ముఠా ఇచ్చిన సమాచారాన్ని ఆధారంగా చేసుకుని తవ్వకాలు చేపట్టినట్లు ప్రచారం జరుగుతోంది. తురిమెళ్ల అటవీ క్షేత్రాధికారిణి, బీటు అధికారి, అలాగే అర్థవీడు సమీప గ్రామానికి చెందిన జేసీబీ యజమాని కలిసి ఏప్రిల్ నెలలో తవ్వకాలు ప్రారంభించినట్లు సమాచారం.
ఈ తవ్వకాల కోసం ట్రైబల్ వాచర్ల సహాయాన్ని కూడా వినియోగించినట్లు తెలుస్తోంది. స్థానికంగా పెద్ద ఎత్తున తవ్వకాలు నిర్వహించిన అనంతరం కొన్ని కుండలు వెలికితీసినట్లు ప్రచారం సాగుతోంది. వాటిలో బంగారం, వజ్రాలు వంటి విలువైన వస్తువులు ఉన్నాయని విశ్వసనీయ సమాచారం వెలుగులోకి వస్తోంది. అయితే దీనిపై అధికారికంగా ఎలాంటి ధృవీకరణ బయటకు రాలేదు. ఈ ఘటనలో మరో కీలక అంశం ఏమిటంటే, తవ్వకాల సమయంలో ప్రభుత్వ వాహనంపై కూర్చుని సంబంధిత అధికారులు తీసుకున్న ఫొటోలు, వీడియోలు సామాజిక మాధ్యమాల్లో ప్రత్యక్షమైనట్లు సమాచారం. ఇదే వ్యవహారం మరింత వివాదాస్పదంగా మారడానికి మరో కారణం కూడా ఉంది. తవ్వకాల ద్వారా లభించినట్లు ప్రచారం జరుగుతున్న విలువైన వస్తువులను అధికారులు ఏప్రిల్ 22న హైదరాబాద్లో విక్రయించేందుకు ప్రయత్నించారని, అయితే ఆ ప్రయత్నం ఫలించలేదని చెబుతున్నారు. అనంతరం బెంగళూరులో వాటిని విక్రయించి భారీ మొత్తంలో డబ్బు పొందినట్లు సమాచారం బయటకు వస్తోంది. అయితే ఈ అంశాలపై అధికారికంగా స్పష్టత రావాల్సి ఉంది.
మార్కాపురం జిల్లా గిద్దలూరు టైగర్ ప్రాజెక్టు డివిజన్ పరిధిలో వెలుగులోకి వచ్చిన ఓ ఘటన అటవీశాఖలో కలకలం రేపుతోంది. గుప్తనిధుల అన్వేషణ, తవ్వకాలు, విలువైన వస్తువుల స్వాధీనం వంటి ఆరోపణలు ఇప్పుడు చర్చనీయాంశంగా మారాయి. ముఖ్యంగా ఈ వ్యవహారంలో అటవీశాఖ అధికారుల పేర్లు వినిపించడం మరింత ఆసక్తికరంగా మారింది. అయితే ఈ ఘటనకు సంబంధించిన సమాచారం ఆలస్యంగా బయటకు రావడం, దాని వెనుక ఉన్న పరిణామాలు ప్రస్తుతం అనేక అనుమానాలకు తావిస్తున్నాయి. అందుబాటులో ఉన్న వివరాల ప్రకారం, తురిమెళ్ల అటవీ క్షేత్ర పరిధిలోని ఆరవీటికోట సెక్షన్లో ఉన్న యర్రగుంట్ల క్షోత్రియం భూముల్లోని బిగినపల్లికుంట ప్రాంతంలో నెల రోజుల క్రితం తవ్వకాలు జరిగినట్లు సమాచారం వెలుగులోకి వచ్చింది. ఈ వ్యవహారంలో సంబంధిత అధికారుల మధ్య ఉన్న పరిచయాలు, అదనపు బాధ్యతల కేటాయింపులు కూడా ఇప్పుడు చర్చకు దారి తీస్తున్నాయి. తురిమెళ్ల అటవీ క్షేత్రాధికారిణితో ఉన్న సాన్నిహిత్యం కారణంగా వెలగలపాయ బీటు అధికారికి ఆరవీటికోట బీటు బాధ్యతలను అదనంగా అప్పగించినట్లు తెలుస్తోంది.