కంగారు పడాల్సిందేమీ లేదు..పాలు మాత్రమే ఏకైక ఆప్షన్ కాదు. మీ రోజువారీ కాల్షియం అవసరాలను తీర్చడానికి అద్భుతంగా పనిచేసే 7 రకాల ఆరోగ్యకరమైన డ్రింక్స్ ఇక్కడ ఉన్నాయి.. వీటి గురించి తెలుసుకుందాం..

రాగి మాల్ట్

రాగులు కాల్షియానికి కేరాఫ్ అడ్రస్. ఇది మన దేశీయ సూపర్ ఫుడ్. ఉదయాన్నే రాగి జావ లేదా మాల్ట్ తాగడం వల్ల శరీరానికి కావాల్సిన కాల్షియం సహజంగానే అందుతుంది. రోజును ఉత్సాహంగా ప్రారంభించడానికి ఇది బెస్ట్ డ్రింక్.

మజ్జిగ

తేలికగా జీర్ణమయ్యే, శరీరాన్ని చల్లబరిచే పానీయం మజ్జిగ. పెరుగుతో చేసే ఈ పానీయంలో కాల్షియం నిండి ఉంటుంది. ఎండాకాలంలో శరీరాన్ని హైడ్రేటెడ్‌గా ఉంచడంతో పాటు ఎముకలకు బలాన్నిస్తుంది.

లస్సీ

చిక్కగా, కమ్మగా ఉండే లస్సీ కూడా పెరుగుతోనే తయారవుతుంది కాబట్టి, ఇందులోనూ కాల్షియం మెండుగా ఉంటుంది. తీపి లేదా ఉప్పు.. మీ అభిరుచికి తగ్గట్లుగా దీనిని మీ డైట్‌లో చేర్చుకుని సులభంగా కాల్షియం పొందవచ్చు.

సోయా పాలు

మొక్కల ఆధారిత, ప్రొటీన్లు అధికంగా ఉండే సోయా పాలు సాధారణ పాలకు అద్భుతమైన ప్రత్యామ్నాయం. మార్కెట్లో దొరికే సోయా పాలలో కాల్షియంను అదనంగా జోడిస్తారు (ఫోర్టిఫైడ్). వేగన్ డైట్ ఫాలో అయ్యేవారికి ఇది బెస్ట్ ఆప్షన్.

►ALSO READ | బెల్లీ ఫ్యాట్ తో ప్రతి 10మంది మహిళల్లో ఆరుగురికి ముప్పు! ..ఎందుకు ప్రమాదకరం? ఎలా తగ్గించుకోవాలి?

నువ్వుల పానీయం

నానబెట్టిన నువ్వులను (తెల్ల లేదా నల్ల నువ్వులు) నీటితో కలిపి మిక్సీ పట్టి ఈ పానీయాన్ని తయారు చేస్తారు. ఇది పెద్దగా ఎవరికీ తెలియని పానీయం అయినప్పటికీ, కాల్షియంను అందించడంలో ఇది అద్భుతంగా పనిచేస్తుంది.

గ్రీన్ స్మూతీస్

ఆకుకూరల్లో కాల్షియంతో పాటు ఇతర మినరల్స్, విటమిన్లు పుష్కలంగా ఉంటాయి. పాలకూర, మీకు నచ్చిన పండ్లు (అరటి, ఆపిల్ వంటివి), కొద్దిగా నీళ్లు లేదా నట్స్ మిల్క్ కలిపి బ్లెండ్ చేస్తే.. రుచికరమైన, ఆరోగ్యకరమైన గ్రీన్ స్మూతీ రెడీ!

బాదం పాలు

మీరు డైరీ ఉత్పత్తులకు దూరంగా ఉండాలనుకుంటే బాదం పాలు మరో మంచి ప్రత్యామ్నాయం. తేలికగా జీర్ణమయ్యే ఈ పాలలో కూడా కాల్షియం ఫార్టిఫై చేయబడి ఉంటుంది.

పాలు తాగకపోయినా మీ శరీరానికి కాల్షియం అందించే మార్గాలు చాలానే ఉన్నాయి. వీటిని మీ రోజువారీ ఆహారంలో భాగం చేసుకోవడం ద్వారా మీ ఎముకలను ఉక్కులా దృఢంగా మార్చుకోవచ్చు.