ఈ దాడుల్లో చాలా చోట్ల అపరిశుభ్రత, నాణ్యత ప్రమాణాలు పాటించకపోవడం, నిబంధనల ఉల్లంఘన గుర్తించినట్లు తెలిపారు అధికారులు.

నాంపల్లిలోని కేఫ్ పర్షియాలో అధికారుల తనిఖీల్లో అడుగడుగునా కేఫ్ నిర్వాహకుల డొల్లతనం బయటపడింది. కేఫ్ లోని కిచెన్ లో ఏ మాత్రం శుభ్రత పాటించడం లేదని తెలిపారు అధికారులు. టీ కప్పుల దగ్గర నుంచి వంట సామాన్ల వరకు అన్నీ అపరిశుభ్రంగానే ఉన్నాయని తెలిపారు అధికారులు.

పలు కేఫ్ ల నుండి ఫుడ్ శాంపిల్స్ సేకరించి ల్యాబ్ కి పంపించారు అధికారులు. సేకరించిన శాంపిల్స్ లో కల్తీ జరిగిందని తేలితే కఠిన చర్యలు తప్పవని హెచ్చరించారు అధికారులు. కేఫ్ లు, హోటళ్ల నిర్వాహకులు బాధ్యతగా వ్యవహరించాలని.. నిబంధనలు ఉల్లంఘిస్తే కఠిన చర్యలు తప్పవని హెచ్చరించారు అధికారులు.