సోమవారం లోక్‌సభలో ఎంపీ గడ్డం వంశీకృష్ణ అడిగిన ప్రశ్నకు కేంద్ర యువజన వ్యవహారాలు, క్రీడల శాఖ మంత్రి మన్సుఖ్ మాండవీయ రాతపూర్వక సమాధానం ఇచ్చారు. ఆమోదించిన ప్రతిపాదనలో భాగంగా కరీంనగర్ జిల్లా జమ్మికుంటలో 4 లేన్ల, 400 మీటర్ల సింథటిక్ అథ్లెటిక్ ట్రాక్ నిర్మాణానికి రూ.6.50 కోట్లను మంజూరు చేసినట్లు తెలిపారు.

ఆమోదం పొందిన ప్రాజెక్టులను రెండేళ్ల వ్యవధిలో పూర్తి చేయాల్సి ఉంటుందని గుర్తుచేశారు. అయితే, ఈ స్కీం కింద తెలంగాణలోని కరీంనగర్ శాతవాహన యూనివర్సిటీలో రూ.16 కోట్ల అంచనాతో మల్టీపర్పస్ హాల్ నిర్మాణానికి రాష్ట్ర ప్రభుత్వం ప్రతిపాదన పంపిందని, అయితే 2021-26 కాలానికి సంబంధించి ఖేలో ఇండియా స్కీం గడువు ముగిసినందున ప్రస్తుతం కొత్త ప్రతిపాదనలను పరిగణనలోకి తీసుకోవడం లేదని ఎంపీ చామల అడిగిన ప్రశ్నకు కేంద్ర మంత్రి స్పష్టం చేశారు.