Thursday, 29 Jul, 9.09 am V6 Velugu

ఇప్పుడు
రెరా బాగుంది కానీ... కొన్ని మార్పులు కావాలి

రెరా బాగుంది కానీ... కొన్ని మార్పులు కావాలి

V6 Velugu Posted on Jul 29, 2021

న్యూఢిల్లీ: రియాల్టీ రంగం కోసం కొత్తగా తెచ్చిన రెరా యాక్ట్​70 శాతం మంది కన్జూమర్లకు తెలుసని ఒక సర్వేలో తేలింది. ఇండ్లు కొన్న ప్రతీ ఆరుగురిలో అయిదుగురు కన్జూమర్లు తమ కంప్లయింట్లను పరిష్కరించుకోవడానికి రెరాపై ఆధారపడుతున్నట్లు వెల్లడయింది. ఒమిడ్యార్​ నెట్​వర్క్​ ఇండియా, బోస్టన్​ కన్సల్టింగ్​ గ్రూప్​లు కలిసి ఈ సర్వేను నిర్వహించాయి. కంప్లెయింట్ల పరిష్కారం కోసం రెరా కింద అనుసరిస్తున్న కొన్ని విధానాలు మారాలని కన్జూమర్లు కోరుకుంటున్నారు. ప్రస్తుతం ఉన్న విధానాల పట్ల కేవలం 22 శాతం మంది కన్జూమర్లే సంతృప్తి వ్యక్తం చేసినట్లు ఈ సర్వే రిపోర్టు చెబుతోంది. ముఖ్యంగా కంప్లెయింట్ల పరిష్కారానికి పడుతున్న టైమ్​​ పట్ల ఈ కన్జూమర్లు బాగా అసంతృప్తితో ఉన్నారని పేర్కొంది. దేశంలోని రియల్​ ఎస్టేట్​ రంగంలో మార్పులు తీసుకురావడం కోసం రియల్​ ఎస్టేట్​ (రెగ్యులేషన్​ అండ్​ డెవలప్​మెంట్​) యాక్ట్​ను 2016లో తెచ్చారు. రెరా వచ్చి అయిదేళ్లయిన సందర్భంగా ఒమిడ్యార్​ నెట్​వర్క్​ ఇండియా, బోస్టన్​ కన్సల్టింగ్​ గ్రూప్​లు ఈ సర్వే రిపోర్టును విడుదల చేశాయి.

సర్వే రిపోర్టు కోసం 1300 మంది కన్జూమర్లు, డెవలపర్లు, రెగ్యులేటరీ అథారిటీస్​, ఛార్టర్డ్​ అకౌంటెంట్లు, ఇంజినీర్లు, ఆర్కిటెక్టులు వంటి వారితో మాట్లాడినట్లు ఒమిడ్యార్​, బోస్టన్​ కన్సల్టింగ్​ గ్రూప్​లు వెల్లడించాయి. మహారాష్ట్ర, ఉత్తర్​ప్రదేశ్, మధ్య ప్రదేశ్​, ఒరిస్సా, కర్నాటక రాష్ట్రాలలో ఈ సర్వేను నిర్వహించామని పేర్కొన్నాయి. ఇళ్ల కొనుగోలుదారులలో డెవలపర్ల పట్ల నమ్మకాన్ని పెంచడానికి రెరా యాక్ట్​ సాయపడుతున్నట్లు సర్వేలో తేలింది. ప్రతీ ప్రాజెక్టుకూ ఎస్క్రో అకౌంట్​ క్రియేట్​ చేయడం వంటివి ఇళ్ల కొనుగోలుదారుల నమ్మకాన్ని పెంచినట్లు వెల్లడయింది. అంతేకాదు, డెవలపర్లలో అకౌంటబిలిటీని కూడా రెరా పెంచగలిగిందని సర్వే రిపోర్టు చెబుతోంది. సర్వేలో పాల్గొన్న వారిలో 70 శాతం మందికి రెరా గురించి తెలుసని, కానీ దాని ప్రధాన బెనిఫిట్స్​ మాత్రమే వారికి తెలుసని పేర్కొంది. యాక్టు గురించిన అవగాహన ఉన్న వారిలో 71 శాతం మంది సంతృప్తి వ్యక్తం చేస్తున్నట్లు వివరించింది. రెరా గురించి తెలుసున్న వారిలో 76 శాతం మంది రెరా రిజిస్ట్రేషన్​ ఉన్న ప్రాపర్టీలనే కొంటామని చెప్పినట్లు సర్వే రిపోర్టు తెలిపింది.

ఇక డెవలపర్లకి వస్తే, సర్వేలో పాల్గొన్న వారిలో 64 శాతం మంది సంతృప్తి వ్యక్తం చేసినట్లు ఒమిడ్యార్​, బోస్టన్​ సర్వే రిపోర్టు వెల్లడించింది. రెరా వల్ల తమకు లోన్లు ఈజీగా దొరుకుతున్నాయని 55 శాతం మంది డెవలపర్లు పేర్కొన్నట్లు తెలిపింది. రెరా మరింతగా సక్సెసవాలంటే ఇంకా కొన్ని చర్యలను తీసుకోవాల్సి ఉందని సర్వే రిపోర్టు అభిప్రాయపడింది. రెరా రెగ్యులేటరీ రోల్​ గురించి 30 శాతం మంది కన్జూమర్లకు అసలు తెలీనే తెలీదని పేర్కొంది. ఈ యాక్ట్​ వల్ల కలిగే రెండు బెనిఫిట్స్​మాత్రమే తెలుసని ప్రతి ఇద్దరు కన్జూమర్లలో ఒకరు చెప్పారని సర్వే రిపోర్లు వెల్లడించింది.

మన దేశంలోని కుటుంబాలు తమ పెట్టుబడులలో సగటున 75 శాతాన్ని రియల్​ ఎస్టేట్​ రంగంలోనే పెడుతున్నాయి. దేశంలోని మొత్తం సివిల్​ కేసులలో 66 శాతం కేసులు ల్యాండ్​, ప్రోపర్టీలకు సంబంధించినవే ఉంటున్నాయి. ఈ నేపథ్యంలో రెరా రోల్​ చాలా ముఖ్యమైనది. రెరా అయిదేళ్ల అనుభవాన్ని చూస్తే, సరయిన డైరెక్షన్​లోనే జర్నీ ఉందని తేలుతోంది. రియల్​ ఎస్టేట్​ రంగంపై కన్జూమర్ల నమ్మకం పెరిగింది.

శిల్పా కుమార్​, పార్ట్​నర్​, ఒమిడ్యార్​ నెట్​వర్క్​ ఇండియా

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: V6 News
Top