ఈనెల 7న అధికారులు విచారణకు హాజరయ్యేలా బెయిలబుల్‌ వారెంట్లు జారీ చేయాలని రిజిస్ట్రీని హైకోర్టు ఆదేశించింది.గద్వాల జిల్లాకు చెందిన నాగిరెడ్డి తదితరులు దాఖలు చేసిన కోర్టు ధిక్కరణ పిటిషన్‌ను జస్టిస్‌ ఎన్‌.వి.శ్రవణ్‌కుమార్‌ విచారించారు.

కింది కోర్టు నిర్ణయించిన పరిహారంలో 50 శాతాన్ని 3 నెలల్లో డిపాజిట్ చేయాలన్న గత ఆదేశాలను అధికారులు విస్మరించారు. దాంతో వ్యక్తిగతంగా హాజరై వివరణ ఇవ్వాలని కోర్టు ఫారం-1 నోటీసులు జారీ చేసినా ఇద్దరూ గైర్హాజరయ్యారు. దీనిపై అసంతృప్తి వ్యక్తం చేసిన కోర్టు 7న అధికారులు విచారణకు హాజరయ్యేలా బెయిలబుల్‌ వారెంట్లు జారీ చేసింది.