మంగళవారం మూడో రోజు ఆట ముగిసే టైమ్‌కు నార్త్‌ జోన్‌ రెండో ఇన్నింగ్స్‌లో 66 ఓవర్లలో 256/7 స్కోరు చేసింది. నిశాంత్‌ సింధు (20 బ్యాటింగ్‌), అన్షుల్‌ కాంబోజ్‌ (29 బ్యాటింగ్‌) క్రీజులో ఉన్నారు.

ఆయూష్‌ బదోనీ (31) ఫర్వాలేదనిపించాడు. నిదీశ్‌, సాయితేజ, శ్రేయస్‌ గోపాల్‌ తలా రెండు వికెట్లు తీశారు. అంతకుముందు 285/9 ఓవర్‌నైట్‌ స్కోరుతో ఆట కొనసాగించిన సౌత్‌ జోన్‌ తొలి ఇన్నింగ్స్‌లో 100.3 ఓవర్లలో 312 రన్స్‌కు ఆలౌటైంది. కెప్టెన్‌ తిలక్‌ వర్మ (116 నాటౌట్‌) మెరుగ్గా ఆడాడు. గుర్నూర్‌ బ్రార్‌ 4 వికెట్లు పడగొట్టాడు.