Argentina vs Iceland: ఫిఫా ప్రపంచకప్ (FIFA World Cup) సమరానికి ముందు డిఫెండింగ్ చాంపియన్ అర్జెంటీనా తమ సత్తా చాటింది. టోర్నమెంట్‌కు ముందు జరిగిన చివరి హై-ప్రొఫైల్ వార్మప్ మ్యాచ్‌లో ఐస్‌లాండ్‌ (Iceland) జట్టును 3-0 తేడాతో అర్జెంటీనా క్లీన్ స్వీప్ చేసింది.

ఇటీవల గాయపడి ఫ్యాన్స్‌లో టెన్షన్ రేపిన లెజెండరీ ఫుట్‌బాలర్, కెప్టెన్ లియోనెల్ మెస్సీ (Lionel Messi) ఈ మ్యాచ్‌తో మైదానంలోకి గ్రాండ్ కంబ్యాక్ ఇచ్చాడు. కేవలం 20 నిమిషాల పాటు మాత్రమే ఆడిన మెస్సీ.. ఒక అద్భుతమైన గోల్ చేయడంతో పాటు, సహచర ఆటగాళ్లకు రెండు సూపర్‌ఫాస్ట్ అసిస్ట్‌లు (గోల్ పాస్‌లు) అందించి మ్యాచ్ విన్నర్‌గా నిలిచాడు.

Read also:India A vs Sri Lanka A: రుతురాజ్ గైక్వాడ్ సెంచరీ, తిలక్ వర్మ కెప్టెన్ ఇన్నింగ్స్.. శ్రీలంక ముందు భారీ లక్ష్యం!

మెస్సీ వన్-మ్యాన్ షో - 3 గోల్స్ హైలైట్స్

Argentina vs Iceland 3-0 Warmup Match Lionel Messi Goal Assist Lautaro Martinez World Cup Algeria

మ్యాచ్‌లో అర్జెంటీనా అటాకింగ్ గేమ్ ముందు ఐస్‌లాండ్ డిఫెన్స్ పూర్తిగా చేతులెత్తేసింది. గ్రౌండ్‌లోకి వచ్చిన 20 నిమిషాల్లోనే మెస్సీ సృష్టించిన విధ్వంసం ఇదీ. ఇన్నింగ్స్ ఆరంభంలో మెస్సీ డిఫెండర్లను ముంచేస్తూ అందించిన మెరుపు పాస్‌ను అందుకున్న స్టార్ స్ట్రైకర్ లారో మార్టినేజ్ (Lautaro Martinez) ఎలాంటి తప్పు చేయకుండా బంతిని నెట్‌లోకి పంపి అర్జెంటీనాకు 1-0 ఆధిక్యం అందించాడు. కొద్దిసేపటికే ఐస్‌లాండ్ బాక్స్ పరిధిలోకి దూసుకెళ్లిన మెస్సీ.. తన క్లాసిక్ స్ట్రైకింగ్ నైపుణ్యంతో స్వయంగా రెండో గోల్ బాది స్కోరును 2-0కి చేర్చాడు. దీంతో మైదానమంతా మెస్సీ నామస్మరణతో మారుమోగింది. ఐస్‌లాండ్ కోలుకునే లోపే మెస్సీ మరో అద్భుతమైన పాస్ అందించగా.. దానిని యువ ఆటగాడు థియాగో అల్మాడా (Thiago Almada) గోల్‌గా మలిచాడు. దీంతో అర్జెంటీనా 3-0తో తిరుగులేని విజయాన్ని సొంతం చేసుకుంది.