Guinness record : ప్రపంచవ్యాప్తంగా ప్రేమను వ్యక్తం చేసే ప్రత్యేకమైన రోజుగా ఇంటర్నేషనల్ కిస్ డే (International Kissing Day) ను ప్రతి సంవత్సరం జూలై 6న జరుపుకుంటారు.
ప్రేమ, ఆప్యాయత, అనుబంధానికి చిహ్నంగా ముద్దును భావిస్తారు. కుటుంబ సభ్యులు, స్నేహితులు, ప్రేమికులు తమ భావాలను ప్రత్యేకంగా వ్యక్తం చేసుకునే సందర్భంగా ఈ రోజును గుర్తిస్తారు.
ఎన్నో ఆసక్తికరమైన రికార్డులు కూడా నమోదయ్యాయి..
ఈ సందర్భంగా ప్రపంచంలో ఎన్నో ఆసక్తికరమైన రికార్డులు కూడా నమోదయ్యాయి. అందులో ఒకటి బ్రెజిల్కు చెందిన ప్రేమ జంట సృష్టించిన అరుదైన గిన్నిస్ రికార్డు. బ్రెజిల్కు చెందిన రెనోటా బేమా (Renato Baima) తన ప్రేయసి రొబెర్టా రిబిరో (Roberta Ribeiro) కు కేవలం 30 సెకన్ల వ్యవధిలో ఏకంగా 195 ముద్దులు ఇచ్చి ప్రపంచ రికార్డు సాధించాడు.
ఈ రికార్డు కోసం రెనోటా ఎంతో వేగంగా, నిరంతరంగా ముద్దులు ఇస్తూ తన ప్రేమను మాత్రమే కాదు, తన వేగాన్ని కూడా నిరూపించాడు. గిన్నిస్ వరల్డ్ రికార్డ్స్లో చోటు సంపాదించిన ఈ ఘనత ప్రపంచవ్యాప్తంగా ఆసక్తిని రేకెత్తించింది.
ముద్దు అనేది కేవలం ప్రేమకు మాత్రమే కాకుండా భావోద్వేగాలను పంచుకునే ఒక సహజమైన మార్గంగా కూడా భావిస్తారు. మానసికంగా కూడా ఆప్యాయతను వ్యక్తం చేయడం ద్వారా సంతోషం, అనుబంధం పెరుగుతాయని నిపుణులు చెబుతారు.
ఇంటర్నేషనల్ కిస్ డే సందర్భంగా ఇలాంటి ప్రత్యేకమైన రికార్డులు ప్రేమను, అనుబంధాలను మరింత గుర్తు చేస్తాయి. సాధారణమైన ప్రేమ వ్యక్తీకరణ కూడా కొన్నిసార్లు ప్రపంచ స్థాయి గుర్తింపును తీసుకురాగలదని రెనోటా-రొబెర్టా జంట నిరూపించింది. 30 సెకన్లలో 195 ముద్దులతో సాధించిన ఈ రికార్డు ప్రేమ ప్రపంచంలో ఒక ప్రత్యేక ఘట్టంగా నిలిచిపోయింది.