Nepal Floods : నేపాల్ దేశంలో సంభవించిన వర్షాలు, వరదలు తీవ్ర విషాదాన్ని నింపాయి. జలప్రళయం తీవ్రతకు మృతిచెందిన వారి సంఖ్య ఇప్పటికే 650 దాటి, వేగంగా 700ల మైలురాయికి చేరువవుతోందని ఆ దేశ అధికార వర్గాలు ఆందోళన వ్యక్తం చేశాయి.
వరదల ఉధృతికి ఊళ్లకు ఊళ్లే కొట్టుకుపోవడంతో దాదాపు 2,500 మందికి పైగా ప్రజలు ఆచూకీ లేకుండా గల్లంతయ్యారు. బాధితులను కాపాడేందుకు సహాయక చర్యలు ముమ్మరంగా సాగుతున్నాయి. ఇప్పటికే 8,791 మందికి పైగా పోలీసు బలగాలు, విపత్తు నిర్వహణ బృందాలు రంగంలోకి దిగి రెస్క్యూ ఆపరేషన్లను నిర్వహిస్తున్నాయి. ప్రధాన రహదారులు తెగిపోవడం, కొండచరియలు విరిగిపడటంతో సహాయక చర్యలకు తీవ్ర విఘాతం కలుగుతోంది.
మరోసారి భారీ వరదల హెచ్చరిక.. అప్రమత్తమైన అధికారులు
ఒకవైపు ముమ్మరంగా బాధితుల వెలికితీత కొనసాగుతుండగానే, నేపాల్కు మరోసారి భారీ వరదలు వచ్చే ప్రమాదం ఉందంటూ చైనా వాతావరణ శాఖ జారీ చేసిన హెచ్చరికలు తీవ్ర భయాందోళనలు రేకెత్తిస్తున్నాయి. చుట్టుపక్కల ప్రాంతాల్లో కురుస్తున్న కుండపోత వర్షాల కారణంగా నదులు మళ్లీ ఉప్పొంగే అవకాశం ఉందని స్పష్టం చేశారు. దీంతో నేపాల్ ప్రభుత్వం ప్రజలను సురక్షిత ప్రాంతాలకు తరలించే ప్రక్రియ వేగవంతం చేసింది. వరద బాధితులకు అవసరమైన ఆహారం, మందులు మరియు సురక్షిత తాగునీరు అందించేందుకు అంతర్జాతీయ సహాయక చర్యలు కూడా శరవేగంగా ప్రారంభమయ్యాయి.
వరదల ముప్పును ఎదుర్కోవడానికి రాష్ట్రం సిద్ధం: హిమాచల్ గవర్నర్