Aadhaar Document Update: భారత విశిష్ట గుర్తింపు ప్రాధికార సంస్థ (UIDAI) ఆధార్ కార్డుదారులకు ఒక అద్భుతమైన తీపి కబురు అందించింది. ఆన్‌లైన్‌లో ఉచితంగా ఆధార్ వివరాలను అప్‌డేట్ చేసుకునేందుకు విధించిన గడువును మరో పూర్తి ఏడాది పాటు పొడిగిస్తూ కీలక నిర్ణయం తీసుకుంది.

వాస్తవానికి ఈ గడువు త్వరలోనే ముగియాల్సి ఉండగా, పౌరుల నుంచి వస్తున్న విశేష స్పందనను దృష్టిలో ఉంచుకుని ఈ వెసులుబాటు కల్పించింది. తాజా ఉత్తర్వుల ప్రకారం, పౌరులు తమ వివరాలను 2027 జూన్ 14 వరకు ‘myAadhaar’ పోర్టల్ ద్వారా ఎలాంటి రుసుము లేకుండా ఉచితంగా అప్‌డేట్ చేసుకోవచ్చు.

యూఐడీఏఐ విడుదల చేసిన అధికారిక మెమోరాండం ప్రకారం.. ఈ ఉచిత అప్‌డేట్ సదుపాయాన్ని మరో ఏడాది పాటు పొడిగించారు. అంటే 2026 జూన్ 15 నుంచి 2027 జూన్ 14 వరకు myAadhaar పోర్టల్‌లో డాక్యుమెంట్ అప్‌డేట్ సౌకర్యం పూర్తిగా ఉచితంగా కొనసాగుతుంది.

Read Also : Fuel Price Hike: రెండు వారాల్లోనే 4వ సారి వాత.. లీటరుకు రూ. 2.70 వరకు పెంచిన చమురు సంస్థలు

Aadhaar free online update deadline extended for another year

Aadhaar Document Update: పాత యాప్‌కు స్వస్తి.. కొత్త యాప్ అందుబాటులోకి!

డాక్యుమెంట్ అప్‌డేట్ గడువు పొడిగింపుతో పాటు మొబైల్ యాప్ సేవలలో కూడా యూఐడీఏఐ ఒక కీలక మార్పు చేసింది. పాత ‘mAadhaar’ యాప్‌ను త్వరలోనే పూర్తిగా నిలిపివేయనున్నట్లు సోషల్ మీడియా ప్లాట్‌ఫామ్ ‘ఎక్స్‌’ (ట్విట్టర్) ద్వారా ప్రకటించింది.

దాని స్థానంలో వినియోగదారుల కోసం అత్యాధునిక మరియు మెరుగైన ఫీచర్లతో కూడిన సరికొత్త ‘Aadhaar app’ను రంగంలోకి దించింది. ఈ కొత్త యాప్ ద్వారా సురక్షితమైన క్యూఆర్ (QR) కోడ్ ఆధారిత ఆధార్ షేరింగ్, బ్రాండెడ్ ప్రైవసీ నియంత్రణలు మరియు ఇతర ఆధార్ సేవలను ప్రయాణికులు, సాధారణ పౌరులు అత్యంత సులభంగా పొందవచ్చు.