ఈ విషయం తెలుసుకున్న వైఎస్సార్ కాంగ్రెస్ పార్టీ కీలక నేత, రాజ్యసభ మాజీ సభ్యుడు వి. విజయసాయిరెడ్డి బుధవారం నాడు ఆసుపత్రికి విచ్చేశారు. ముద్రగడ ఆరోగ్య పరిస్థితిపై ఆయన ప్రత్యేక శ్రద్ధ తీసుకుని వివరాలు అడిగి తెలుసుకున్నారు.

ఐసీయూలో ముద్రగడ: కుటుంబ సభ్యులు, వైద్యులతో విజయసాయిరెడ్డి భేటీ

ముద్రగడ పద్మనాభం ప్రస్తుతం ఐసీయూ (ICU) లో చికిత్స పొందుతుండటంతో, వైద్యుల సూచనల మేరకు విజయసాయిరెడ్డి నేరుగా ఆయనను కలవడానికి వీలుపడలేదు. ఈ క్రమంలో ముద్రగడ కుమారుడు ముద్రగడ గిరితో పాటు అక్కడ ఉన్న ఇతర కుటుంబ సభ్యులను విజయసాయిరెడ్డి పరామర్శించారు. అనంతరం ఆయనకు చికిత్స అందిస్తున్న వైద్య బృందంతో మాట్లాడి.. ప్రస్తుతం అందిస్తున్న వైద్య సేవలు, చికిత్సకు ముద్రగడ శరీరం సహకరిస్తున్న తీరును క్షుణ్ణంగా అడిగి తెలుసుకున్నారు.

Vijayasai Reddy: ఉన్నత విలువలున్న నాయకుడు.. త్వరగా కోలుకోవాలి: విజయసాయిరెడ్డి ఆకాంక్ష

ఆసుపత్రి సందర్శన అనంతరం విజయసాయిరెడ్డి మీడియాతో మాట్లాడుతూ.. ముద్రగడ పద్మనాభం రాజకీయాల్లో ఎంతో ఉన్నతమైన విలువలు కలిగిన గొప్ప నాయకుడని కొనియాడారు. ఆయన ఆరోగ్య పరిస్థితి త్వరలోనే మెరుగుపడి, సంపూర్ణ ఆరోగ్యంతో తిరిగి రావాలని ఆకాంక్షించారు. ఆ భగవంతుడు ముద్రగడ గారికి దీర్ఘాయుష్షును, పూర్తి నిరోధక శక్తిని ప్రసాదించాలని తాను మనస్ఫూర్తిగా ప్రార్థిస్తున్నట్లు ఈ సందర్భంగా విజయసాయిరెడ్డి పేర్కొన్నారు.

లారీని ఢీకొట్టిన ఆటో.. ముగ్గురు అక్కడికక్కడే మృతి!