హౌస్ సర్జన్లు అలాగే పీజీ (PG) విద్యార్థుల నెలవారీ స్టైఫండ్‌ను అల్లోపతి వైద్య విద్యార్థులతో సమాన స్థాయికి సవరిస్తూ బుధవారం అధికారికంగా ఉత్తర్వులు జారీ చేసింది. ఈ నిర్ణయం ద్వారా రాష్ట్రంలోని వందలాది మంది వైద్య విద్యార్థులకు గణనీయమైన ఆర్థిక భరోసా లభించనుంది.

భారీగా పెరిగిన స్టైఫండ్ వివరాలు

ఈ తాజా పెంపుతో హౌస్ సర్జన్ల నెలవారీ స్టైఫండ్ గతంలో ఉన్న రూ. 13,754 నుంచి ఏకంగా రూ. 29,792కు పెరిగింది. అలాగే పీజీ వైద్య విద్యార్థుల స్టైఫండ్ రూ. 34,385 నుంచి రూ. 74,482కు పెరిగింది. దశాబ్ద కాలంగా పెండింగ్‌లో ఉన్న తమ ప్రధాన డిమాండ్‌ను నెరవేర్చినందుకు ఆయుష్ విద్యార్థులు మరియు వైద్యులు సచివాలయంలో వైద్యారోగ్య శాఖ మంత్రి దామోదర రాజనర్సింహను కలిసి పుష్పగుచ్ఛం అందించి హృదయపూర్వక కృతజ్ఞతలు తెలిపారు.

AYUSH Students Stipend Hike: సీఎం రేవంత్ రెడ్డి, ఆరోగ్య మంత్రికి విద్యార్థుల ధన్యవాదాలు

గత పదేళ్ల కాలంలో గత పాలకులు తమ స్టైఫండ్‌లను ఒక్కసారి కూడా పట్టించుకోలేదని, దీనివల్ల తాము తీవ్ర ఆర్థిక ఇబ్బందులు పడ్డామని విద్యార్థులు ఈ సందర్భంగా మంత్రికి వివరించారు. తమ సమస్యను సానుకూలంగా అర్థం చేసుకుని, అల్లోపతి విద్యార్థులతో సమానంగా స్టైఫండ్ అందజేసేలా చర్యలు తీసుకున్న ముఖ్యమంత్రి రేవంత్ రెడ్డికి మరియు ఆరోగ్య మంత్రికి వారు ప్రత్యేక ధన్యవాదాలు తెలిపారు.

ఆయుష్ రంగ బలోపేతానికి ప్రత్యేక చర్యలు: మంత్రి దామోదర రాజనర్సింహ

ఈ సందర్భంగా విద్యార్థులను అభినందించిన మంత్రి దామోదర రాజనర్సింహ.. భవిష్యత్తులో అంకితభావంతో నైపుణ్యంగల వైద్యులుగా రాణించి ప్రజలకు నాణ్యమైన సేవలు అందించాలని ఆకాంక్షించారు. గత రెండున్నరేళ్లుగా రాష్ట్రంలో ఆయుష్ రంగాన్ని అభివృద్ధి చేసేందుకు ప్రభుత్వం పెద్దపీట వేస్తోందని తెలిపారు. ఇందులో భాగంగానే సుమారు 700 మంది యోగా ఇన్‌స్ట్రక్టర్లను, 138 మంది అసిస్టెంట్ ప్రొఫెసర్లను నియమించినట్లు వెల్లడించారు.

కొత్త ఆసుపత్రుల ఏర్పాటు మరియు భవిష్యత్ ప్రణాళికలు

రాష్ట్రంలోని సిద్దిపేట, జయశంకర్ భూపాలపల్లి, వికారాబాద్ జిల్లాల్లో 50 పడకల సమీకృత ఆయుష్ ఆసుపత్రులను అందుబాటులోకి తెచ్చామని, కరీంనగర్‌లో రూ. 15 కోట్ల వ్యయంతో మరో ఆసుపత్రి నిర్మాణ పనులు జరుగుతున్నాయని మంత్రి పేర్కొన్నారు. సాంప్రదాయ వైద్య విధానాలను ఆధునిక సాంకేతికతతో అనుసంధానం చేస్తూ పరిశోధనలపై దృష్టి పెట్టాలని విద్యార్థులకు పిలుపునిచ్చారు. పేద, గ్రామీణ ప్రజలకు మెరుగైన వైద్యం అందించడమే లక్ష్యంగా దశలవారీగా అన్ని ఆయుష్ ఆసుపత్రులు మరియు క్లినిక్‌లను మరింత అభివృద్ధి చేస్తామని ఆయన హామీ ఇచ్చారు.

అయ్యో.. అప్పుడే నూరేళ్లు నిండాయా.. స్కూల్ బస్సు కింద పడి రెండేళ్ల చిన్నారి మృతి