అగ్రస్థానంలో టీం ఇండియా

ICC ODI Rankings: ఐసీసీ తాజాగా విడుదల చేసిన వన్డే వార్షిక ర్యాంకింగ్స్‌లో భారత క్రికెట్ జట్టు తన అగ్రస్థానాన్ని విజయవంతంగా నిలబెట్టుకుంది. టీమ్ ఇండియా 118 రేటింగ్ పాయింట్లతో నంబర్ వన్ స్థానంలో కొనసాగుతుండగా, న్యూజిలాండ్ 113 పాయింట్లతో రెండో స్థానంలో, ఆస్ట్రేలియా 109 పాయింట్లతో మూడో స్థానంలో ఉన్నాయి.

గత కొంతకాలంగా నిలకడైన ప్రదర్శన చేస్తున్న భారత్, ప్రపంచ అత్యుత్తమ వన్డే జట్టుగా తన ఆధిపత్యాన్ని మరోసారి చాటుకుంది.

ICC ODI Rankings; ఈ ర్యాంకింగ్స్‌లో దక్షిణాఫ్రికా జట్టు గణనీయమైన పురోగతిని సాధించింది. 102 పాయింట్లతో ఆ జట్టు నాలుగో స్థానానికి చేరుకోగా, అనూహ్యంగా పాకిస్థాన్ జట్టు 98 పాయింట్లతో ఐదో స్థానానికి పడిపోయింది. ఆ తర్వాతి స్థానాల్లో శ్రీలంక (6), అఫ్గానిస్థాన్ (7) ఉండగా, ఇంగ్లాండ్ ఎనిమిదో స్థానానికి పరిమితమైంది. బంగ్లాదేశ్, వెస్టిండీస్ జట్లు వరుసగా తొమ్మిది, పది స్థానాల్లో నిలిచాయి. ఇంగ్లాండ్ వంటి బలమైన జట్టు టాప్-5లో లేకపోవడం ఈ ఏడాది ర్యాంకింగ్స్‌లో గమనించాల్సిన ప్రధాన అంశం.