మంగళవారం మీడియాతో ప్రత్యేకంగా మాట్లాడిన ఆయన, పార్టీలో సామాజిక సమీకరణాలకు పెద్దపీట వేస్తున్నామని స్పష్టం చేశారు.

సంతృప్తికరంగా పీసీసీ అధ్యక్ష పదవీకాలం – పార్టీ బలోపేతం

తన రెండేళ్ల పీసీసీ అధ్యక్ష పదవీకాలం ఎంతో బాధ్యతాయుతంగా, సంతృప్తికరంగా సాగిందని మహేష్ గౌడ్ తెలిపారు. ఈ కాలంలో క్షేత్రస్థాయిలో పార్టీని మరింత బలోపేతం చేయడానికి కృషి చేశామని చెప్పారు. కాంగ్రెస్ పార్టీ శ్రేణుల సమష్టి కృషితోనే ఇది సాధ్యమైందని ఆయన పేర్కొన్నారు.

Mahesh Kumar Goud: రాహుల్ గాంధీని ప్రధాని చేయడమే లక్ష్యం – దేశవ్యాప్త కుల సర్వే

దేశంలో రాహుల్ గాంధీని ప్రధానమంత్రిని చేయడమే తమ ప్రధాన లక్ష్యమని మహేష్ గౌడ్ ఉద్ఘాటించారు. దేశంలో భవిష్యత్తులో కాంగ్రెస్ పార్టీ అధికారంలోకి వస్తే, దేశవ్యాప్తంగా సమగ్ర కుల సర్వేను విజయవంతంగా అమలు చేస్తామని ఆయన స్పష్టం చేశారు.

భవిష్యత్తులో బీసీ సీఎం కావడం తథ్యం

తెలంగాణలో భవిష్యత్తులో బీసీ వర్గానికి చెందిన వ్యక్తి ముఖ్యమంత్రి కావడం వంద శాతం ఖాయమని మహేష్ గౌడ్ ధీమా వ్యక్తం చేశారు. సామాజిక న్యాయం కేవలం కాంగ్రెస్ పార్టీ వల్లనే సాధ్యమవుతుందని, బడుగు, బలహీన వర్గాల అభ్యున్నతికి కాంగ్రెస్ నిరంతరం కట్టుబడి ఉంటుందని ఆయన పునరుద్ఘాటించారు.

ఎర్రవల్లి పసుపు నీళ్ల వివాదం.. నిందితులకు హైకోర్టు ఊరట