మహారాష్ట్ర 8వ ఉపముఖ్యమంత్రిగా సేవలందిస్తున్న అజిత్ పవార్ (66), బుధవారం (జనవరి 28) ఉదయం జరిగిన విమాన ప్రమాదంలో ప్రాణాలు కోల్పోయారు. ముంబై నుంచి తన రాజకీయ కంచుకోట అయిన బారామతికి ఎన్నికల ప్రచార నిమిత్తం వెళ్తుండగా ఈ దారుణం జరిగింది. బారామతిలో ఉదయం 10 గంటల నుంచి సాయంత్రం 7 గంటల వరకు వరుసగా మూడు బహిరంగ సభల్లో ఆయన పాల్గొనాల్సి ఉంది. అయితే, విమానం ల్యాండింగ్ కావడానికి కొద్ది నిమిషాల ముందు సాంకేతిక లోపం తలెత్తి కూలిపోయింది. ఈ ప్రమాద సమయంలో విమానంలో ఆయనతో పాటు మరో ఆరుగురు ఉన్నట్లు సమాచారం. ప్రమాదం జరిగిన వెంటనే ఎమర్జెన్సీ రెస్పాన్స్ టీమ్స్ ఘటనా స్థలానికి చేరుకున్నప్పటికీ, ఫలితం లేకపోయింది.

Phone Tapping Case : సంతోష్ రావు సిట్ విచారణ పూర్తి

అజిత్ పవార్ మరణం మహారాష్ట్ర రాజకీయాల్లో ఒక శకాన్ని ముగించింది. క్షేత్రస్థాయిలో పట్టున్న నాయకుడిగా, పాలనపై గట్టి ముద్ర వేసిన ఆర్థిక మంత్రిగా ఆయనకు ప్రత్యేక గుర్తింపు ఉంది. ముఖ్యంగా బారామతి ప్రాంత అభివృద్ధిలో ఆయన పాత్ర వెలకట్టలేనిది. ఎన్నికల ప్రచారంలో భాగంగా ప్రజల మధ్యకు వెళ్తున్న తరుణంలోనే ఆయన ప్రకృతి ఒడిలోకి వెళ్లడం ఆ పార్టీ కార్యకర్తలకు, అభిమానులకు తీరని వేదనను మిగిల్చింది. తన నియోజకవర్గ సమస్యల పట్ల నిరంతరం స్పందించే ఆయన మరణవార్త వినగానే బారామతిలో విషాద ఛాయలు అలుముకున్నాయి.

ఈ ప్రమాదానికి సంబంధించి పూర్తి వివరాలు ఇంకా వెలువడాల్సి ఉంది. విమానం కూలిపోవడానికి వాతావరణ పరిస్థితులు కారణమా లేక ఇంజిన్ వైఫల్యమా అనే కోణంలో ఉన్నతాధికారులు దర్యాప్తు ప్రారంభించారు. డైరెక్టరేట్ జనరల్ ఆఫ్ సివిల్ ఏవియేషన్ (DGCA) బృందం ప్రమాద స్థలానికి చేరుకుని విమాన శకలాలను పరిశీలిస్తోంది. అజిత్ పవార్ వంటి కీలక నేతల ప్రయాణాల్లో ఉండే భద్రతా ప్రమాణాలపై ఈ ఘటన మరోసారి చర్చకు దారితీసింది. ఆయన భౌతికకాయాన్ని పోస్ట్‌మార్టం అనంతరం ప్రభుత్వ లాంఛనాలతో అంత్యక్రియలు నిర్వహించేందుకు ప్రభుత్వం ఏర్పాట్లు చేస్తోంది.

Read hindi news: hindi.vaartha.com

Janasena MLA Arava Sridhar Controversy : జనసేన MLA వ్యవహారంలో నిజమేంటో తేల్చాలి - రాయపాటి శైలజ